1 Khainjung agyi yug khang" moo" gi yooboo yoomo xoin" du: yo' jhungshug jhung: lang: ngei" byid: baja"- byumyu" yi mo khyen: yu lho: xangsu: byu yi dangain" mo, shid re" Mangsoo ri noku coung" nghei wa shid mo nyheung to" zi shau" su: nghoid nyid. 2 Nya: gungdu: nyang: we' khyoo: ja: khang" moo" moo yoem: nu: su: nghoid yoomo ci" we' asi abui" mo, shoid vhang: khyoo: dam: dam: loo" mo, ri gyi: sheung: da" nheigloem: yo" toin" shid su nghoid. 3 Nyang: nya: da" gungdu: yoem: nu: su: anghoid nyid yoomo byu gootu: yi da" yau: noo yooboo shid re" za: we' anghoid- nya: yooboo shid re" we' xoin" to' yu ca". 4 Hang" nghoid loug we' nya: gung ri khainjung agyi moo" bui" wa myonhoo: ngeilang: mo yo" khyen: tang: to" zi anghoid. Arun ri yhang: ti" Mangsoo khyen: yu yug za: khainjung agyi moo" dayo" bue" lo. 5 Houg: yo' dakhyoo" ti" Khristu gi khainjung agyi zeing bue" da" myonhoo: aya: yo' nya: gungdu: ri nyang: phau: khuang tu: to' zi anghoid. Houg: su" koid wa gungkhoo: gi Nang gi nga" zoo: nghoid da- Akhid" nyid" gi ngoo re" phoo' bue" loo bye ga: tid nyid da" Mangsoo wigi nyang: ri coung" nghei tu: to' byid: zi nghoid. 6 Gootu: da" joyoo moo we tid nang gi Melkhizedeg da" aya: ri khyoid zhoung" yu da" apyaid atoo: khainjung zeing bui" wa nghoid. 7 Yesu gi mougmyid tho' moo kangso' dei nyid shi" ayo, nyang: ri shid: jangmo yo" khyoid yu da" Mangso jhang thui: zeing yo' ngougbyid ngougnhab thu' wigi akyu" mho' mho' sang: zi koid yu" bye:. Mangsoo we' Yesu da" mho' mho' sang:: da" thui: ri tam" gyo: yu bye:. Khasu" wim gari Aseing Yesu gi nyhoem: khyo goeb vang ziyo' ab, noung" xoin" to' zi nghoid yoomo lhoem: kham: yu bye:. 8 Nyang: gi Mangso nya: zoo: gyeing" nyang: nghoid nyid loug we' kyikhyeug sho" jhen: khyoo: ri kham lho: tam" gyo: khyoo: ri jhau" yu bye:. 9 Nyang: ri joeb, byeung" su: ga: bain koid yu thang: ri nyang: gi tam" gyo: nyid mo, dangain" shid re" apyaid ato: da" khyoid yu khyoo: mo apoem: ayang: bue" loo" bye:. 10 Mangsoo we' nyang: ri Melkhizedeg da" khainjung aya: ri khyoid zhoung" yu da" khainjung agyi moo" nghoid ga: Mangsoo gi nyang ri tid fu" byid: bye:.