36
(1km 1:34-37)
He: zigi Edom ga: we' myheing da" Eso da" amyed ashen yi nghoid. Eso gi Khanan myhi' yiri yu da:. Houg: bang: gi Hiti byumyu" Elun da" nya: zoo: Ada- Hivi byumyu" Zibeun da" nya: zoo: Ana da" nya: zoo: myiyi: nu" Aholibama yo' Ishamaela da" nya: zoo: nghoid wigi Nabaiyud da" nhammoo" Basemad bang: nghoid. Ada gi Elipha ri khu: lho: Basemad gi Reuela ri khu: da:. Houg: lho: Aholibama gi Yeusha- Yalam yo' Kora yiri khu:. Hid: bang: dangain" gi Khanan mung" moo co' phyed da" Eso nya: zoo: yi nghoid.
Eso gi nya: yhoem: seing: myhi' yi nya: zoo: tang: yi yo' nya: yhoem: byu dangain" ri Khanan mung" mo nyang: yo" lo da" gougnyhoug gougdoo:- jonu" yoo" mooyoo" dangain" yo' dage" pyoung" ci: lho: nya: nhung" Yaku nyid da" moug: mo wigi goo" moug: khyoo: byung: khari" bye:. Khasu" wim gari Yaku nyid nyid da" hau: joyoo moo gi nya: tang: shid re" mougmyid atham: lo ziyo' nya: tang: gi gougnyhoug myoo" sho' yo" boem lho: myang" sho' dage" shoin" nyid wa shid re" agi loo yoomo nghoid. Houg: yoomo Eso gi Edom boem moug: moo nyid nyid.
Hid: bang: gi Edom byumyu" da" phoug" phyid" Eso da" amyed ashen nghoid. 10-13 Eso da" yhoem: seing: myhi' Ada gi yuggi zoo: Elipha ri yo" lho: Elipha gi Thema- Umara- Zephu- Gatam yo' Kenaza bang: wim: yug ri yo". Houg: lho: Timna ga: da" myiyi: goo" yug mo gi Amaleg ga: da" yuggi zoo: dayug doem yo".
Eso da" yhoem: seing: myhi' Basemad gi yuggi zoo: Reuela ri kyeing" yo" lho: Reuela gi yuggi zoo: myid: yug ri yo" da:. Houg: bang: gi Nahad- Zera- Shama yo' Miza bang: nghoid.
14 Eso da" yhoem: seing: myhi' Zibeun da" nya: myid: Ana da" nya: myiyi: zoo: Aholibama gi Yeusha- Yalam yo' Kora ga: da" Yuggi nu" soem" yug ri khu: byid: bye:.
15 Hid: bang: gi Eso mo gyo" lo da" byukung: byuko' nghoid. Eso da" zooshid" Elipha gi Thema- Umara- Zephu- Kenaza- 16 Kora- Gatham yo' Amaleg byu kung: bang: da" phoug" phyid" bue" lo wigi hid: bang: dangain" gi Eso yhoem: seing: myhi' Ada mo gyo" lo da" amyed ashen bang: nghoid.
17 Eso nya: zoo: Reuela gi Nahad- Zera- Shama yo' Miza byukung: byuko' bang: da" phoug" phyid" bue" lo. Hid bang: gi Eso da" yhoem: seing: myhi' Basemad mo gyo" da" amyed ashen bang: nghoid.
18 Yeusha- Yalam yo' Kora byukung: bang: doem nghoid lang" gi Eso yhoem: seing: myhi' Aholibama- Ana da" nya: zoo: mo gyoo" lo da" amyed ashen nghoid. 19 Hid: bang: dangain" gi Eso da" amyed ashen nghoid.
(1km 1:38-42)
20-21 Edom moug: mo akhang: re nyid xoug" Hori byumyu" Seira da" amyed ashen byukung: byuko' bang: gi Lotan- Shobala- Zibeun- Ana- Dishon- Ezera yo' Dishan bang: nghoid.
22 Lotan gi Hori yo' Heman byukung: da" phoug" phyid" nghoid. (Lotan da" nhammoo" gi Timna nghoid.)
23 Shobala ga Alavan- Manahad- Ebala- Shephu yo' Unam byukung: bang: da" phoug" phyid" nghoid.
24 Zibeun da" yuggi nu" tang: gi Aya yo' Ana nghoid. (Ana gi nya: phoo loo zei: ri cang zung" yen" uri dain" pyoid khoug: moo gyid ngi" gyid bug ri myang shoo: su: nghoid). 25-26 Ana gi Dishon da" nya: phoo nghoid lho: Dishon gi Hemdan- Eshban- Ithram yo' Kheran byukung: bang: da" phoug" phyid" nghoid bye:. Ana gi Aholibama ga: da" myiyi: nu" dayug ri we' yo" ashi".
27 Ezera gi Bilahan- Zavan yo' Akan byukung: bang: da" phoug" phyid" nghoid.
28 Dashan gi Uza yo' Aran byukung: bang: da" phoug" phyid" nghoid.
29-30 Lotan- Shobala- Zibeun- Ana- Dishon- Ezera yo' Dishan bang: gi Edom moug: mo Hori byumyu" kung: bang: nghoid.
(1km 1:43-54)
31-39 Israela byumyu" bang: khokham hang" anyid shi" ri Edom moug: moo gi vhoo: mo khokham yi vhoeb nyid boem bye:.
Beora da" nya: zoo: Bela gi Dinhaba ri
Zera da" nya: zoo: Yobab gi Bozra ri
Husham gi Taman moug: ri
Beda da" nya: zoo: Hadada gi Avid ri vhoeb. (Nyang: gi Moba moug: moo Midian byumyu" yiri gyi yhe: zain: oung: su: nghoid.)
Samla gi Masreka ri vhoeb
Shaula gi gyid lang yam mo Rehobod ri vhoeb
Akhbora nya: zoo: Bala Hanan gi gyid lang yam mo Rehobod ri doem vhoeb
Hadada gi Pau ri vhoeb. (Nya: yhoem: seing: myhi' gi Mehetabela nghoid. Mehetabela gi Matred da" nya: zoo:-Mezahab da" nya: myid: nghoid.)
40-43 Eso gi vhoo: mo Edom byumyu" kung: bang: da" phoug" phyid" nghoid. Hau: byumyu" kung: bang: gi Timna- Alva- Yethed- Aholibama- Ela- Phinon- Kena- Theman- Mibzara- Magulula yo' Iram bang: nghoid. Nyang: yug nyang: nyid lo da" moug: moo nyang: nya: byumyu" kung: myeing khyo" myheing lho: nyid lo boem ago".