32
Yaku gi nya: khyoo: xo' so" lo" ri moug: lagyoo: dayham" gi nyang: ri lhoem: shoug" bye:. Nyang: gi nyangnu" ri myang lang" ?He: zigi Mangso dab nghoid? ga: tid. Houg: yoomo hau: joyoo ri Mahanaim ga: myeing myheing.
Yaku gi nya: shid vhu" khyoo: nya: mang: Eso nyid da" Edom moug: khyoo: lagyoo: yiri nhang: kaid. Nyang: gi nyangnu" ri ?Re" da" dang: tam" gyoo: wa da" dei zoo: ngoo Yaku gi nga" yhoem: seing: Eso jhang lu dang: de" kaid zigi ngoo gi Laban yo' dage" yhe: nyid nyid lho: ngoo doem tau" loo wa khyoo: akhid" ju" sho' dane" nyid shi". Ngoo gi nu: joem myang: joem yang joem coidbaid joem ri yo" loo bye:. Yhoem: seing: we"- ngoo gi re" da" nheig khyeug shoo" gyo: yu wa ziri nheig byu ziyo' dang: pyeung: kaid? ga: wigi tid nhang: kaid.
Lagyoo: yigi Yaku jhang doem tau" ju" lo ri nyangnu" gi ?Ngoonu" gi re" mang: Eso jhang yhi: bye:- houg: lho: nyang: gi nang ri tau yu wa shid re" lang" nyid bye:. Nyang: gi nyang: yo' dage" byu myid: shoo: yug nyid? ga: wigi tid kyo" boem. Yaku gi gyo: dain wigi gyoug nain" nyid bye:. Nyang: gi nya: byu yiri eig phung: kho' lho: nya: da" yang joem coidbaid joem nu: joem yo' gola-ug joem ri we' eig phung: gam pyam. ?Eso gi xang: shi" phung: ri lhoem: zain: lang" gootu: daphung: gi yo" phang: byoin baja"? ga: nyang: soin: da:. Hau: thang: Yaku akyu" mho' zigi ?Nga" phoug" Abraham da" Mangsoo yo' nga" phoo Isag da" Mangsoo we"- ngoo ri tam" gyoo: byid: we'. Aseing we"- nang gi ngoo ri nga" da" moug: yo' nga" bidnoem yi jhang khyoo: tau" loo" nhang: lho: nang gi nga" shid re" nga" gyung: khyoo: ri yug yoo za: bui" nhang: wa ga: tid abye:. 10 Re" dei zoo: phoo ngoo gi nang ngoo ri toin" shed wa da" nheig khyeug shoo" gyo: khyoo: yo' nheigloem: zung" khyoo: dangain" ri kham moin: su: ngoo anghoid loo:. Ngoo gi Yodan gyid lang ri gu: byed loo kho' uri lhamdung: daloem: yo' gung koem: danghoid. Nghoid loug akhid" ngoo gi hid: su" eig phung: kho' lho: doem tau" lo nyid bye:. 11 Ngoo ri nga" mang: Eso jang" mo khyoid yu we' ngoo mho' nyid. Ngoo gyoug nyid. Nyang: gi ngoonu" ri re" zain: lho: myiyi: yo' zooshang: yiri we' ngoonu" dangain" ri said pyam loo wa ziri gyoug nyid o". 12 Nga" shid re" ja: khang" moo" ri ge loo" nhang: lho: ngoo ri panglai: midcoo: cab' joem su" nghab loo: aoung: sho' nga" amyed ashen ri myo: tham: nhang: wa ga: ngoo ri byid: to" da" re" dangsoo" khoin" ri myid boin: byid: we? ga: wigi akyu" mho'.
13-15 Hau: myen- houg: moo yhoeb lho: Yaku gi nya: mang: Eso shid re" jhungshug khyo" wigi nya: gougnyhoug joem khoug: mo coidbaid myhi' eig shoo: du: yo' aloo: eig xi: du:- yang moo" eig shoo: du: yo' aloo: eig xi: du:- anu" yo' dage" noug" jhug nyid da" gola-ug soem" xi: du:- nu: zeing myid: xi: yo' aloo: daxi: du:- loo zei: amyhi' eig xi: yo' aloo: daxi: khyen: yu. 16 Nyang: gi gougnyhoug joem ri nya: kyung nyang: kho' lho: kyung khang" moo" moo nya: join dayug yug kaid kaid. Nyang: gi nyangnu" ri Daphung: yo' daphung: kyo: kyo: koid lho: ?Nga" shid vhu" khyoo: yhe: loo" ge'? ga: tid kaid. 17 Nyang: gi dei zoo: xang: shi" mo yug ri ?Nga" mang: Eso gi nang yo' shoug" go" lho: nang ri ?Re" yhoem: seing: hang" nghoid. Khakhyoo: yhe: loo" mo, nghoid- re" shidkhoin" mo gougnyhoug joem hang" re" nghoid? ga: wigi myid: lang" 18 ?Hid: bang: gi re" da" dei zoo: phoo Yaku da" zi nghoid. Nyang: gi yhoem: seing: Eso jhang jhungshug khyo" byid: kaid zi nghoid. Yaku nyang: nyang: we' ngoonu" da" thang: moo lo nyid bye:? ein: phug tid we'? ga: tid kaid. 19 Nyang: gi eig yug ein: wa yug ri soem" yug ein: wa yug ri we' houg: lho: gougnyhoug phung: khang" moo" mo bo da" gootu: dangain" bang: ri we' dakhyoo" ti" za: tid kaid. He: zigi Eso yo' shoug" goo" lang" tid wa da" dang: nghoid. 20 ?Nghoid ?Re" da" dei zoo: Yaku gi ngoonu" da" thang: moo cang lo nyid?- ein: tid ge'? ga: wigi tid kaid. Yaku gi nyang: ri jhungshug joem yo' yo" zoem" yu lho: nyang: yo' shoug" goo" uri nyang: gi ngoo ri yooboo khyoid byid: abe? ga: wigi soin: nyid. 21 Nyang: gi jhungshug joem ri nya: shid vhu" khyoo: de" kaid lho: hau: myen houg: moo theing: nyid kho'.
22 Hau: myen moo nyang:- Yaku gi nya: yhoem: seing: myhi' tang: dangcang: myhi' tang: yo' nya: zoo: yi daxe: dayug ri shu" lho: Yabug gyid lang ri gu: khoo' bye:. 23 Hau: thang: nyang: gi nyangnu" ri gu: phyed loo" nhang: lho: nyang: yoo" mooyoo" dangain" ri we' gu: phyed loo" nhang: bye:. 24 Nghoid loug we' nyang: gi nyang: kyeing" nyid gyoo" kho'. Hau: thang: yuggi phoo dayug gi re" lho: nyang: yo' moug: boo" yid ju" sho' dab nheig go" da:. 25 Yuggi phoo gi nyang: ayo" oung: lo: ziri si' lang" nyang: gi Yaku da" tang" boug" moo thoin: byid: wigi tang" boug" shooyoug: thang: beig loo" khari" bye:. 26 Yuggi phoo gi ?Ngoo loo" loo ba- moug: bo" lo nyid bye:? ga: tid. ?Nang ngoo ri main akaid byid: byid: gi ngoo ayo" nhang: kaid? ga: wigi Yaku doem tid. 27 Yuggi phoo gi ?Re" myeing khasu" ga: zi nghoid? ga: wigi myid: lang"
?Yaku? ga: nyang: phug tid.
28 Yuggi phoo gi ?Re" myeing Yaku anghoid loo wa. Nang gi Mangsoo yo' we' byu yo' we' thougtheung loo bye: wigi nang oung: abye:. Houg: yoomo re" myeing gi Israela nghoid bye:? ga: tid.
29 Yaku gi ?Akhid" re" myeing ngoo ri tid khoo' we'? ga: tid. Nghoid loug we' nyang: gi ?Ce: gang mo nang nga" myeing si nau lha"? ga: phug tid thang: ri nyang: gi Yaku ri mainkaid dang: tid byid: bye:.
30 Yaku gi ?Ngoo gi Mangsoo ri myojid" yo' nyang: myang bye:- houg: loug ngoo gi akhid" ju" sho' dadei nyid shi"? ga: wigi tid. Houg: yoomo nyang: gi hau: joyoo ri Pheniela ga: wigi myeing myheing bye:. 31 Yaku gi Pheniela mo so" thu lo ri bid xain" ri" bye:. Nyang: gi nya: tang" boug" noo yoomo kaleig kaleig koid wigi so" nyid. 32 Israela da" amyed ashen yigi akhid" nyid" ju" sho' lang" tang" boug" jhoin: shoo" gyi: ri azo: boem. Khasu" wim gari hau: zigi Yaku thoin: byid: shau" da" jang" mo shoo" gyi: nghoid yoomo nghoid.