16
1 Abram da" yhoem: seing: myhi' Sarai gi zooshang: ayoo". Nghoid loug we' nyang: gi Hagara ga: da" Egutu join myhi' dayug yo" to".
2 Houg: yoomo nyang: Abram ri ?Aseing gi ngoo ri zooshang: ayoo" wa khyo" koid to". Houg: yoomo nga" join myhi' yo' nang yhoeb we'. Nyang: gi nga" shid re" zooshang: yo" yoo" byid: wa nghoid? ga: tid. Abram gi Sarai tid da" dang: ri myid bo veing" bye:.
3 Abram gi Khanan mung" moo zain loem: daxi: zain nyid nyid thang: ri Sarai gi Hagara ri Abram da" yhoem: seing: myhi' khyo" byam nyid nhang: bye:.
4 Abram gi Hagara yo' nyid lho: Hagara gi zoonu" gung bue" loo bye:. Nyang: moo zoonu" gung bue" jo, ziri si lang" nyang: gi nghoid boin: lho: Sarai ri aphoug" akhyoid koid.
5 Houg: lang" Sarai gi Abram ri ?Hagara ngoo ri aphoug" akhyoid koid khyoo: gi Abram re" da" shoid vhang: khyoo: nghoid. Ngoo nyang: ri nang moo ab byid: lho: nyang: gi zoonu" gung nghoid ziri si lang" nyang: ngoo ri aphoug" akhyoid koid nyid bye:. Nang yo' ngoo nyha" thang: kha: yug deingmain" ziri Aseing dang: phyed byid: loo baja"? ga: tid.
6 Abram gi ?Nghoid bye: nyang: gi re" join myhi' nghoid lho: re" amyeing" vhoo: moo nyid su: nghoid. Nang gi nyang: ri koid nau khyo" koid we'? ga: phug tid. Houg: lang" Sarai gi Hagara ri shen" yhen yoomo Hagara phang: khari" bye:.
7 Aseing da" moug: lagyoo: gi Shura khyoo: yhe: lo" da" dain" pyoid khyoo: mo gyid boug nam moo Hagara ri myang lho:
8 ?Sarai da" join Hagara we"- khakhyoo: re" lho: khakhyoo: yhe: lo" nyid la"? ga: myid: da.
Nyang: gi ?Ngoo gi nga" join seing: myhi' jang" mo phang: thu lo zi nghoid? ga: phug tid da:.
9 Moug: lagyoo: gi ?Nya: jhang doem tau" lo" lho: nya: join dakoid nyid we'? ga: tid.
10 Xo' tid zigi ?Ngoo gi nang ri hang" we' ayo" oung: nghab sho' amyed ashen myoo" sho' myo: tham: nhang: wa.
11 Nang gi yuggi zoo: khu: wa nghoid lho: nang gi nya: myeing ri Ishmaela ein: myheing wa nghoid. Khasu" wim gari Aseing gi re" ngougmyeing" thui: ri shoug" gyoo: byid: bye:.
12 Nghoid loug we' zooshang: gi kyang: da" loo zei: yhang: ti" nghoid loo wa. Nyang: gi byu yugkhang" moo" ri gyi koid lho: yugkhang" moo" we' nyang: ri gyi koid boem wa nghoid. Nya: amang: anhung" yi yo' ngheing" goo" nyid wa nghoid? ga: tid abye:.
13 Hagara nya: gung nyang: myid: yu" zigi ?Ngoo gi dei nyid lho: hidsu" dang: tid da" Mangsoo ri deing deing nyang: myang bye: nhung? ga: lho: nyang: gi nyang: ri dang: ji da" Aseing ri ?Ngoo ri myang da" Mangsoo? ga: tid.
14 Hau: gang mo mung" byu yigi Kadesha yo' Bared agyoo: mo gyid thung" ri ?Ngoo ri myang nyid wigi dei nyid su: da" gyid thung"? ga: tid boem.
15 Ref 16:15: Gal 4:22. Hagara gi Abram ri yuggi zoo: dayug khu: byid: lho: Abram gi hau: zooshang: ri Ishmaela ga: myeing myheing.
16 Abram gi hau: uri shed xe: khyug zain nghoid bye:.