3
1 Israela byumyu" yigi lhammoo" nyid khab' ju" uri nyangnu" nyang: voogung moo zheing: nyid boem bye:. Hau: thang: ri nyangnu" dangain" Yerusalem moo zeing: foem: wigi
2 Yehozadag da" nya: zoo: Yeshua yo' nya: byencang" khainjung yi we' Shelatila da" nya: zoo: Zerubabela yo' nya: bidnoem yi we' wigi Mangso da" byu Moshe da" tarha" moo lhid" to" jhoug" shid khyoo: yo' dakhyoo" ti" nyangnu" myi: nghi' xoin" to' wa shid re" Israela byumyu" yi Mangso da" xoin" to' phoin: ri doem koid abye: go".
3 Pyoung" she: loo" shoug" jang" mo doem tau" loo bang: gi mungdain: moo nyid nyid bang: ri gyoug nghoid loug we' nyangnu" gi xoin" to' phoin: ri joyoo xoug" moo doem koid bye:. Hau: thang: ri nyangnu" gi myi: nghi' xoin" to' khyoo: ri nab' soin: myen" thang: main main: daleing: doem koid bye:.
4 Main: main: koid nyid ziyo' dakhyoo" ti" zoem" pui" mo xoin" ri we' nyangnu" koid lho nyid" khang" nyid ? koid ca" da" xoin" to' pui" mo xoin" ri we'
5 Khanham we' koid da" myi: nghi' xoin" to' pui" mo xoin" ri we' lhammoo" xain" pui" mo xoin" ri we' Aseing ri noku da" phung: dangain" yo' Aseing ri nyang: nya: nheig shid nheugdeug sho' byid: da" xoin" dangain" ri main: main: byid: boem.
6 Byumyu" yigi Noku Yhoem: Moo" ri adoem koid shid" nghoid loug we' lhammoo" nyhed khyab lhoo' xain" nyid" ri Aseing ri myi: nghi' xoin" to' shid" bye: ago".
7 Byumyu" yigi lugxi mo, yo' seig lo, moo" koid bang: ri ngei byid: lho: panglai: khyo" wigi Yopa voogung ju" sho' Lebanon boem mo shamu gam ri thug myhu" wa shid re" Sidon yo' Turu byumyu" yiri zoo: shug yo' zhainloin: xu: ri byid: ago". He: khyoo: dangain" gi Persi khosen Kuru da" akhang" khyo" koid bye: zi nghoid.
8 Hougsu" wigi Yerusalem mo Noku Yhoem: Moo" ri nyangnu" doem ju" lo da" thang: eig zain ein: zain lhammoo" eig khyab khyab ri nyangnu" moo" zei: shid" loo" bye:. Zerubabela Yeshua yo' gootu: da" nyangnu" byu yi khainjung yi yo' Levi yi Pyoung" she: loo" shoug" mo, Yerusalem khyoo: doem tau" loo" bang: dangain" gi moo" lo vang zei: ago". Eig xi: zain mo tho' khyoo: da" Levi byu yi rigi Noku Yhoem: Moo" koid da" jang" mo moo" zei: mo, ri vhoeb khang" wa shid re" khyen: too" bye:.
9 Levi byumyu" Yeshua yo' nya: zoo: yi bidnoem yi we' Kadmiela yo' nya: zoo: yi (Hadavia akung: mo) gi Noku Yhoem: Moo" doem koid da" jang" mo moo" zei: mo, ri dage" vhoeb khang" nyid abye: go". (Nyangnu" gi Levi byumyu" Henadad akung: ako' khyo" wigi bo pang" zi nghoid.)
10 Noku Yhoem: Moo" koid bang: ayang: zhug shid lo" da" uri khainjung yigi khainjung byisheing: void wigi nyangnu" joyoo moo laboo" ci: lho: nyid ago". Levi byumyu" Asab akung: mo bang: we' jhabceing ci: wigi houg moo yab jo, ago". Nyangnu" gi khokham David pyaid mo koid gyoo" lo ziyo' dakhyoo" ti" Aseing ri coung" nghei boem bye:.
11 Nyangnu" gi Aseing gi ge: nyid ziyo: nya: jheddab myid gi Israela byumyu" yi adang moo apyaid atoo: dajo, nyid ga:
doem pug coung" coung" koid nyid ago".
Noku Yhoem: Moo" apoem: ayang: zhoug yo" koid shid" loo" bye: yoomo yugkhang" moo" nyangnu" dangain" mo, yoem: yo' nyho: wigi Aseing ri coung" nghei nyid ago".
12 Apyaid gyi: wigi xang: shi" da" Noku Yhoem: Moo" ri myang da" khainjung Levi akung: ako' mo vhujhung: yigi akhid" ayang: koid shid" lo" da" Noku Yhoem: Moo" ri nyangnu" myang lang" gye" yoid ngau nyid ago". Nghoid loug dayham" bang: gi gau yi ziyo' nyid ago".
13 Nyangnu" nyho: da" thui: gi gye" gyi: wigi gau da" thui: yo' ngau da" thui: ri hang" we' ayo" kho' gyoo: goo" nghoid da:. Hau: ziri vi: vi: mo shau" gyo: nyid zi nghoid.