10
Ezra gi Noku Yhoem: Moo" shidkhoin" mo goeb pid wigi yooboo joem ri ngau lho: akyu" mho' tung bain: nyid uri Israela byumyu" byu phung: zeing yi myiyi: yuggi zooshang: dangain" gi nya: jhang zeung: re" wigi nheig khoo" sho' yoid ngau nyid ago". Hau: thang: ri Elam akung: mo Yehiela da" nya: zoo: Shekhania gi Ezra ri ?Ngoonu" gi tungbau myiyi: ri lo, xo' khyo" wigi Mangsoo ri shoid bye: zi nghoid. Nghoid loug we' Israela byumyu" yi shid re" nheig byu khyoo: bo nyid ashi". Ngoonu" gi he: myhi' zeing yi yo' nyangnu" zoo: du: yiri vi: khyoo: nhang: kaid pyam wa khyo" akhid" nyha" Mangsoo ri dangsoo" khoin" koid too" ca" wa zi nghoid. Ngoonu" gi nang yo' Mangso amyeing" dang: ri cang bang: tid kyo" phajhi' byid: khyo" cang koid wa zi nghoid. Ngoonu" gi Mangso da" tarha" dang: khyo" cang koid wa zi nghoid. He: zigi re" yoovoin nghoid nyid. Shid khyoo: yhe: wigi hau: ziri koid we'. Ngoonu" re" thang: moo cang wa zi nghoid? ga: tid.
Hougsu" yoomo Ezra gi khainjung yi Levi yi yo' gootu: deung da" byumyu" yi da" vhujhung: yiri Shekhania da" phajhi" byid: dang: yhang: ti" koid wa shid re" dang: theing yu nhang: bye:. Hau: thang: nyang: gi Noku Yhoem: Moo" shidkhoin" mo thu lo wigi Eliashiba da" nya: zoo: Yehohanan da" zoem" khyoo: vang lo" lho: pyoung" she: loo" shoug" jang" mo doem loo bang: shoid yoomo damyen goin" nheig koug nyid. Nyang: gi ciwe' azoo: ashug nghoid da:.
7-8 Yerusalem yo' Yuda mung" dangain" jang Moo ju" sho' pyoung" she: loo" shoug" jang mo doem tau" loo bang: dangain" Yerusalem moo zeung: foem: wa shid re" byumyu" yi da" vhujhung: yi amyeing" dang: ju" loo bye:. Soem" nyid" akhoug: moo aju" ri" mo, rigi nyangnu" yo" da" jonu" dangain" ziri shava zi khyo" zheing" pyam wigi nyangnu" nyang: ri we' byu phung: mo khaid thu pyam wa zi nghoid. Yuda yo' Benyamin mung" moo nyid da" yuggi yi dangain" gi soem" nyid" akhoug: moo Yerusalem khyoo: yhe: wigi Noku Yhoem: Moo" da" yhoem: pain' moo zeung: foem: lho: zoebphung: koid nyid uri lhammoo" goug: khyab eig xi: nyid" ein: nyid" nghoid. Hau: nyid" ri moug: gye" voo ziyo' houg zoebphung: yoomo nyangnu" dangain" gyoug nain" nyid boem ago".
10 Khainjung Ezra gi to' yab lho: nyangnu" ri ?Nanu" gi dang: azung" loo: za: tungbau myiyi: yiri lo, xo' khyo" wigi Israela byumyu" atho' moo yooboo yoo" sho' shoid bye: goo" nhung:. 11 Akhid" thang: ri nanu" phoug" phyid da" Aseing Mangsoo ri nanu" yooboo toungbain: wigi nyang: vho: ziri koid nyid we'. Nyha" mung" moo nyid da" tungbau yi yo' ashoin" nyid goo". Nanu" da" tungbau yhoem: seing: myhi' ri we' kang" pyam ge'? ga: tid bye:.
12 Byumyu" yigi ?Ngoonu" nang tid ziyo' dakhyoo" ti" koid wa bye:? ga: nyho: tid boem bye:. 13 Nghoid loug we' nyangnu" tid loung: zigi ?Byu gye" myo: ziyo' moug: we' gye" vo nyid. Hid: yhang: te" tunggung moo ngoonu" atho' yab jo, loo. He: yooboo koid jang" moo ngoonu" gye" myoo: sho' nghoid nyid yoomo danyid" eig nyid" ri za: yo" tho' bain zi anghoid. 14 Nyha" moo" voin ludaid yi ri Yerusalem moo nyid nhang: wigi he: moo" zoo" ri koid goo" baja". Houg: lho: tungbau yhoem: seing: myhi' yoo" mo, gi ayo, tu' to" uri vhujhung: yi yo' tarha" agyi yi da" nyangnu" voogung moo yhe: shoug" goo" nhang: wa zi nghoid. Hougsu" koid wigi he: joyoo adang moo Mangso nheig yo: emyed ri byug loo" wa zi nghoid? ga: tid abye: go". 15 Asahela da" nya: zoo: Yonathan yo' Tikava da" nya: zoo: Yazeia tang: mo lid wigi hang" we' hau: moo" zoo" ri ahi: goo" nghoid da:. Meshulam yo' Levi byumyu" Shabethai gi hau: tang: ri yoem: byid: boem ago".
16 Pyoung" she: loo" shoug" jang" mo doem tau" loo mo, hau: moo" zoo" ri lhoem: kham: yu bye: yoomo khainjung Ezra gi akung: ako' joem mo vhujhung: yi akhoug: mo byu joem ri khyen: wigi nyangnu" myeing ri lhid" xoem" too" bye:. Nyangnu" gi nyangnu" da" joeb yu" moo" zoo" ri lhammoo" daxi: khyab xang: shi" nyid" mo joeb" shid" zigi 17 hau: thang: lhammoo" soem" khyab akhoug: moo tungbau yhoem: seing: myhi' yi yo' dage" nyid da" yuggi yiri bain joeb bye:.
18 He: zigi tungbau yhoem: seing: myhi' yo" da" yuggi yi da" zhayhen" nghoid. Khainjung akung: ako' mo zhayhen" joem nghoid da" Yoshua yo' nya: mang: nhung" yi akung: ako' mo Yehozadag da" nya: zoo: yi Maseia- Elieze- Yarib- Gedalia bang: nghoid da:. 19 Nyangnu" gi nyangnu" yhoem: seing: myhi' yiri kang" pyam wa shid re" dangsoo" khoin" byid: wigi nyangnu" gi nyangnu" yooboo shid re" yang loo: dadu: ri xoin" to' wa shid re" shugbyid: ago".
20 Imera akung: mo Hanani tang: Zebadia
21 Harim akung: mo Maseia- Elia- Shemaia- Yehiela yo' Uzia
22 Pashura akung: mo Elionai- Maseia- Ishmaela- Nethanela- Yozabad yo' Elasa bang: nghoid ago".
23 Levi byumyu" mo Yozabad- Shime- Kelaia ga: myeing da" Kelita- Pethahia- Yuda yo' Elieza bang: nghoid ago".
24 Music phung: mo Eliashib. Noku Yhoem: Moo" zung" bang: mo Shalum. Telem yo' Uri bang: nghoid ago".
25 Gootu: gi Parosha akung: mo Ramia- Izia- Malkhia- Miyamin- Eleaza- Malkhia yo' Benaia
26 Elam akung: mo Matania- Zekharia- Yehiela- Abdi- Yeremod yo' Elia
27 Zatu akung: mo Elionai- Eliashib- Matania- Yeremod- Zabad yo' Aziza
28 Bebai akung: mo Yehohanan- Hanania- Zabai yo' Athlai
29 Bani akung mo Meshulam- Malug- Adaia- Yashub- Sheala yo' Yeremod.
30 Pahad Moba akung: mo Adna- Khela- Benaia- Maseia- Matania- Bezalela- Binui yo' Manashe.
31-32 Harim akung: mo Elieza- Ishiya- Malkhia- Shemaia- Shimeon- Benyamin- Malug yo' Shemaria
33 Hashum akung: mo Matenai- Matata- Zaba- Elipheled- Yeremai- Manashe yo' Shime.
34-37 Bani akung: mo Madai- Amram- Uela- Benaia- Bedia- Kheluhi- Vania- Meremod- Eliashib- Matania- Matenai yo' Yasu.
38-42 Binui akung: mo Shime- Shelemia- Nathan- Adaia- Magnadebai- Shashai- Sharai- Azarela- Shelemia- Shemaria- Shalum- Amaria yo' Yoseb.
43 Nebo akung: mo Yeiela- Matithia- Zaba- Zebina- Yabdai- Yoela yo' Benaia bang: nghoid.
44 He: yuggi dangain" zi tungbau yhoem: seing: myhi' yoo" bang: nghoid ago". Nyangnu" gi nya: zoo: nya: myi: yiri kang" pyam wigi yhe: de" pyam bye: ago" zi nghoid.