35
Aseing ngoo ri dang: tid da:. Nyang: tid zigi ?Shid: se' da" byu we". Edom mung" ri tid phue: pyam we'. Ngoo yoem: moo" bo Aseing tid nyid ziri byumyu" yiri tid kyoo" we'.
?Edom boem joem we"- ngoo gi nanu" da" gyivoo nghoid.
Ngoo gi nanu" ri jham" coug: youg koid pyam wa.
Ngoo gi nanu" voomoo" joem ri byo, yoin" jo, nhang: wigi
re" mougmyid gi jham" coug: youg bue" jo, wa.
Hau: thang: nanu: gi ngoo Aseing nghoid ziri se' loo goo" wa.
?Nanu" gi Israela da" byeing abyid: da" gyivoo nghoid wigi nya: da" byumyu" yiri nyangnu" da" yooboo joem shid re" lo" thang dang: phyed da" ayo,- nyang: yau: khi" shau" da" ayo, moo said pyam zi shoug" nhang: da:. Hougsu" yoomo yoem: moo" bo Aseing ngoo gi kangso' dei nyid da" Mangsoo deing deing nghoid ziyo' dayhang: ti" shid: shoug" zigi re" vhu" pi: lo, kyo' nghoid da:. Houg: lho: nang gi houg: mo ayo" phang: loid nghoid da:. Nang gi byu said yooboo shau" wigi hau: byu said khyoo: gi re" thang: khyoo: cang loo wa. Ngoo gi Edom boem moug: joem ri jham" coug: youg koid pyam lho: houg: khyoo: gyung: so" lid: lo" da" yugkhang" moo" ri said pyam wa. Ngoo gi boem joem ri byu said mang joem wigi nghoeb pyam lho: gyipui" moo said pyam shoug" bang: da" manggung joem gi bouggung yo' langkhung" joem moo byeung" byug wa. Ngoo gi nang ri apyaid atoo: moo jham" coug: youg koid pyam wigi re" voomoo" joem moo hang" adoem nyid loo loo: wa. Houg: lang" ngoo Aseing nghoid ziri nanu" se' loo goo" wa.
10 ?Ngoo Aseing gi Israela yo' Yuda da" Mangsoo nghoid loug we' nang gi Israela yo' Yuda byumyu" eig ja: ri nyangnu" da" mougmyid yo' dage" nang seing: yu pyam wa ga: nang tid da:. 11 Houg: yoomo ngoo yoem moo" bo Aseing gi kangso' dei nyid da" Mangsoo deing deing nghoid ziyo' dayhang: ti" ngoo gi nang wigi nga" byumyu" yiri nheig yo: zi yu" zo zi ngheing" da" gang mo ngoo aphoug" doem tau" byid: wa. Ngoo gi nang wigi nyangnu" ri koid bye: da" gang mo nanu" ri yooboo dam byid: khyoo: ri nyangnu" se' loo goo" wa. 12 Houg: lho: Israela boem joem gi jham" coug: youg nghoid wigi hau: joem gi nang myhau: pyam: wa shid re" nghoid ga: nang aphoug" akhyoid tid ziri ngoo Aseing shoug" gyoo: bye: khyoo: ri nang se' loo wa. 13 Nang wigi ngoo ri thougtheung wigi aphoug" akhyoid tid phue: bye: da" khyoo: ri ngoo shoug" gyoo: bye:.
14-15 Yoem: moo" bo Aseing tid zigi ?Ngoo gi nang ri xoo: sho' jham" coug: youg koid pyam wigi damoug: gyab goin" gi ngo wigi seing: da" Israela ri phyo' shoin' pyam uri nang gau yi yhang: ti" nang byo, gyoo" lo" ziri gau yi loo goo" wa. Seira boem joem Edom mougmyid dangain" gi jham" coug: youg bue" wa. Houg: lang" ngoo Aseing nghoid ziri yugkhang" moo" se' loo goo" wa.