21
Nanu" Aseing Mangso wigi nanu" ri byid: wa mungdain: moo byu dayug said to" ziri shau" myang ein: shang byu said yug ri nanu" asi'. Nanu" da" vhujhung: yi yo' tarha" agyi yigi thu yhe: wigi manggung ri myang da" joyoo mo aqei: ayam moo jo, da" voo joem khyoo: ke' yu" ca" da:. Hau: thang: hau: manggung ri shau" myang da" joyoo yo' je jhang thang da" voogung mo vhujhung: yigi moo" anhang: yu" shi" da" nu: bam: dadu: ri khyen: yu wa zi nghoid. Nyangnu" gi hau: nu: ri khanham we' ayau thang da" gyid gyung: zoo: anam mo joyoo daloem: khyoo: she: yhe: wigi phug we' aphug yu" shivoo we' asho" yu" da" myidgung moo nu: leung zeung: ri khyau" pyam ca" da:. Levi khainjung yi we' hau: joyoo khyoo: yhi: ca" ago". Ciwim gari nyangnu" gi ajoem: theing rue" da" moo" loem: khang" moo" ri deingmain" khyo" dang: phyed byid: ca" ago". Nanu" Aseing Mangsoo gi nyang: ri dei byid: wa shid re" we' nya: da" myeing ri mainkaid dang: tid wa shid re" we' nyangnu" ri khyen: too" bye:. Hau: thang: said pyam shau" da" shid: su: manggung ri shau" myang da" joyoo yo' jhang thang da" voogung mo vhujhung: yigi hau: nu: adang moo nyangnu" lo, cid" pyam wigi tid wa zigi ?He: yug ri ngoonu" asaid- hang" said ziri we' ngoonu" asi' Aseing we" Egutu mo nang khyoid yu da" re" byumyu" Israela yiri yooboo khyoid byid: la. Ngoonu" ri we' yooboo khyoid byid: wigi he: yooboo ayo" da" byu ri said da" yooboo ngoonu" ri azhug? ga: goo" baja". Hougsu" wigi Aseing mho' ziri cang pyeing yoomo nanu" gi byu said yau: noo yooboo voin nhang: zi ashau" goo" wa.
10 Nanu" da" Aseing Mangsoo wigi nanu" ri gyi khaid oung: nhang: wigi nanu" thung: byu ri shu" lo uri. 11 Houg: bang: mo nang yu" vho: wigi lo, xo' yu nau da" myiyi: young" dayug yug myang ein: shang. 12 Nyang: ri re" yhoem: khyoo: shu" lo" wigi nyang: ri vhu pyoid pyoid byid: lo, seing" joem ri nyham" pyam byid: ge'. 13 Houg: lho: nya: byimi joem ri thid pyam byid: ge'. Nyang: gi re" yhoem: moo nyid wigi nya: myhi' pho shid re" lhammoo" dakhyab kougshu: baja". Hau: thang: nyang: ri nang lo, yo" xo' yu da:. 14 Thang: phyang" nang gi nyang: ri avhoo: loo: lang" nang nyang: ri loid byoin loo" nhang: we'. Nang gi nyang: ri agyoo: atho' gung shoo" zoem" khau: bye: yoomo nyang: ri join khyo" zoem" wigi age oung" zoo: nghoid da:.
15 Byu dayug gi yhoem: seing: myhi' eig yug yo" lho: eig yug goin" nyang: ri yug gi zoo: yi khu: byid: nghoid loug we' zoo shid" yug gi nyang: je ngei da" yug mo zooshang: anghoid ein: shang. 16 Hau: yug gi nya: zoo: yiri nya: da" jonu" kho' gam byid: wa shid re" myid phyed da" uri nyang: je" ngei da" nya: yhoem: seing: myhi' da" yuggi zoo: ri zooshid" yug yoo" eung: da" gamboem byid: wigi myonhoo: khyen: zi age ci shug byid: wa. 17 Nyang: gi nya: da" zooshid ri nyang: je ngei da" nya: yhoem: seing: myhi' da" yuggi zoo: anghoid loug we' gamboem eig zhang byid: ca" da:. Yuggi dayug gi nya: zooshid" yuggi zoo: ri asoo" too" byid: wigi tarha" khyo" nyang: yo" yu eung: da" gamboem ri byid: ca" da:.
18 Byu dayug gi nheigloem: gyi: wigi gyi koid da" yuggi zoo: dayug nya: myhi' pho wigi yooboo dam byid: nghoid loug we' myhi' phoo tid dang: agyo: zi yo" ein: shang. 19 Nya: myhi pho tang: gi nyang: ri nyang: nyid da" voogung mo vhujhung: yi jhang shu" yhe: wigi dang: phyed wa shid re" yung" do, nhang: ca" da:. 20 Nya: tang: gi nyangnu" ri ?Nga" tang: da" yuggi zoo: gi nheigloem: gyi: ziyo' gyi koid wigi nga" tang: ji dang: agyoo: nghoid da:. Nyang: gi ngei ri pid: pyam wigi yhid: ya: dayug nghoid? ein: tid ca". 21 Hau: thang: hau: voomoo" mo yuggi yigi nyang: ri lug boem wigi du" said pyam ca" da:. Hougsu" khyo" nanu" gi akhyeing" ashoeb ziri yu pyam wa zi nghoid. Israela mung" mo yugkhang" moo" gi bue" loo bye: da" ziri shau" gyo: wigi gyoug goo" wa.
22 Byu dayug gi age da" youg: moo" daloem: shid re" said pyam zi shau" wigi nya: manggung ri zeing moo thau" lhang" too" shoug" nghoid rigi 23 Houg: moo damyen goin" age jo, wa. Hau: ziri hau: nyid" nyang: myhoeb pyam ca" wa. Ciwim gari manggung dagung zeing moo lhang" to" zigi hau: mougmyid ri Mangsoo nheing" khoin" zang" nhang: da:. Nanu" Aseing Mangsoo wigi nanu" ri byid: wa mung" ri aco' ajhoid abui" nhang: wa shid re" hau: manggung ri myhoeb pyam ge'.