( 10 Emim ga: myheing da" yoem: bo byu gyi: yigi Ara voomoo" moo lhoung nyid ago". Nyangnu" gi Anakim byu yi yhi' myang: da" gootu: byu gung gyi: myhang: bang: nghoid ago". 11 Anakim yo' du da" nyangnu" gi Rephim ga: we' tid boem. Nghoid loug we' Moba byumyu" yigi nyangnu" ri Emim ga: myheing ago". 12 Hori byu yigi Edom moo lhoung nyid ago". Nghoid loug we' Eso da" amyed ashen yigi nyangnu" ri khaid thu pyam lho: nyangnu" mung" ri phyo' pyam wigi houg: moo yhe: de: nyid boem ago". Houg: yo' dayhang: ti" Aseing wigi Israela byumyu" yiri byid: da" mung" mo nyangnu" gyivoo yiri Israela byumyu" yi wigi khaid thu pyam ago".) 13 Hau: thang: ngoonu" gi koid wa shid re" Aseing ngoonu" ri tid to" ziyo' dakhyo" Zared gyid lang ri gu: dab yhi: bye:. 14 He: zigi ngoonu" Kadesha Barnea mo to' yhe: lo" thang: soem" xe: shed zain thang: ri bue" zi nghoid. Nyangnu" bui" wa khyo" Aseing tid too" bye: ziyo' dayhang: ti" hau: boin: mo gyi khaid bang: dangain" shid: lo" boem bye:. 15 Nyangnu" dangain" bang: ri bain said toem" pyam sho' Aseing gi nyangnu" ri gyi koid da:. 16 Nyangnu" dangain" bain shid: thang: ri 17 Aseing gi ngoonu" ri 18 ?Akhid" nyid" nanu" gi Ara khyoo: khyo" wigi Moba moug: khyoo: lid phyed yhi: goo" wa zi nghoid. 19 Houg: lang" nanu" gi Lod da" amyed ashen yi nghoid da" Amon byu yi da" moug: yam khyoo: tab yhe: goo" wa zi nghoid. Nyangnu" ri yau: khi" abyid: goo" gyi azain: goo". Ciwim gari ngo wigi nyangnu" ri byid: to" da" mougmyid mo dajhi' ri we' nanu" ri abyid: wa?? ga: tid da:.

( 20 He: mougmyid ri houg: moo nyid lid lo yu" da" byu yi myeing nghoid da" Rephim byu yi da" mougmyid khyo" we' myeing thu da:. Amon byu yigi nyangnu" ri Zamzumin ga: myheing ago". 21 Nyangnu" gi Anakim yi yhi' byu gung gyi: myhang: ago". Nyangnu" gi myoo" sho' nghoid ziyo' yoem: bo da" byumyu" yi nghoid da:. Nghoid loug we' nyangnu" mougmyid ri Amon byu yi yo" yu wigi houg: moo yo" de: nyid goo" wa shid re" Aseing gi nyangnu" ri said toem" pyam da:. 22 Aseing gi Edom boem moug: moo nyid da" Eso da" amyed ashen yi nghoid da" Edom byumyu" yi shid re" we' dakhyoo" ti" koid lid lo bye:. Edom byu yi akhid" nyid shi" go" da" mougmyid moo nyangnu" yo" yu wigi houg: moo yo" yhe: de: nyid wa shid re" nyang: gi Hori byumyu" yiri said toem" pyam da:. 23 Meing: gung panglai: gyid yam cang wigi Kreti gagyoo: kang mo byu yi de: nyid boem ago". Nyangnu" gi nyid xoug" yi nghoid da" Avim byu yiri said toem" pyam lho: mougpyi: shoid mo Gaza voomoo" ju" sho' da" mougmyid ri yu pyam ago".

24 ?Ngoonu" gi Moba moug: khyoo: lid phyed yhe: thang: Aseing gi ngoonu" ri ?To' yhe: lo" lo: Amon gyid lang ri gu: dab ge'. Ngoo gi Heshbon mo Amori khokham Sihon yo' nya: mougmyid ri dage" za: nanu" yoem: so' khoug: moo to" too" byid: wa. Nyang: ri yhe: khaid zain: wigi nya: mougmyid ri seing: yu ge'. 25 Akhid" nyid" mo zi ngoo gi nanu" ri khyi' khang" moo" mo byu yi gyoug da" byumyu" bui" nhang: wa. Nanu" myeing ri tid thui: gyoo: lang" yugkhang" moo" ko' ko' gyoug nain" ri" goo" wa? ga: tid da:.

26 ?Hau: thang: ngoo gi Kedemod dain" pyoid yoo mo zi Heshbon mo khokham Sihon jhang khyoo: vhoo: mo myenjham" lu dang: yo' dage" lagyoo: yiri nhang: kaid lho: 27 ?Re" mungdain: khyo" ngoonu" ri so" lid: loo" nhang: la. Ngoonu" gi dain: za: so" lid: lo" wigi khyoo: thung avang wa. 28-29 Ngoonu" zo: da" zoo: noem yo' shug da" gyid shid re" ngoonu" aphoug" byid: wa. Ngoonu" vho: zigi ngoonu" Aseing Mangso wigi byid: wa ga: da" moug: khyoo: Yodan gyid lang ri gu: dab yhe: wigi yo" vang yi: sho' re" mungdain: khyo" so" lid: yhi: wa zi nghoid. Edom moo nyid boem da" Eso da" amyed ashen yi yo' Ara moo nyid boem da" Moba byu yigi nyangnu" mougmyid khyo" ngoonu" ri so" lid: wa akhang" byid: ago"? ga: tid kaid. 30 ?Nghoid loug we' khokham Sihon gi ngoonu" ri nya: mungdain: khyo" aso" lid nhang: nghoid da:. Ngoonu" nyang: ri oung: pyam wigi akhid" ngoonu" seing: too" shi" da" mougmyid ri ngoonu" yo" seing: yu wa shid re" nanu" Aseing Mangsoo nyang: ri nheigloem: gyi: nhang: wigi thougtheung myid kaid byid: da:. 31 ?Hau: thang: Aseing gi ngoo ri ?Yu" we' ngoo gi khokham Sihon yo' nya: mougmyid ri re" shidkhoin" moo agu jang to" too" byid: bye:. Nya: mougmyid ri yu wigi yhe: seing: nyid we'? ga: tid. 32 Sihon gi ngoonu" ri khaid zain: wa shid re" nya: byu yi dangain" bang: yo' Yahad voogung nam khyoo: thu re" boem ago". 33 Nghoid loug we' ngoonu" Aseing Mangsoo gi nyang: ri ngoonu" yoem: so' khoug: moo kaid byid: wigi ngoonu" gi nyang: ri yo' nya: yuggi zoo: yi nya: byu yi dangain" ri said pyam boem bye:. 34 Hau: uri nyang: ngoonu" gi voogung khang" moo" ri seing: yu wigi phyo' shoin' pyam boem bye: ziyo' yuggi yi myiyi: yi' yo' zooshang: yi yugkhang" moo" ri said pyam bye:. Ngoonu" gi dayug ri we' adei ateing too". 35 Ngoonu" gi yhoem: gougnyhoug joem ri yu wigi voogung ri phyo' sain" pyam bye:. 36 Ngoonu" Aseing Mangsoo gi ngoonu" ri Arnon lang: khung" thang: mo Aroera voogung joem dangain" ri we' hau: lang: khung" agung mo Gilead khyoo: yhe: da" khyoo: mo voogung ri we' seing: yu nhang: bye:. Kha: voogung mo vang khyam: joem we' ngoonu" shid re" ageing: teing nghoid da:. 37 Nghoid loug we' ngoonu" gi Amon byu yi da" moug: khyoo: atab' yhi:. Yobog gyid yam khyoo: we' atab' yhi:. Boem moug: mo voogung joem khyoo: we' atab yhi:. Ngoonu" Aseing Mangso wigi ayhi: wa shid re" amyeing" byid: to" da" gootu: kha: joyoo khyoo: we' atab yhi:.