8
Ngoo ri yoem: moo" bo Aseing mo yoeb myang gootu: daloem: ri doem myang bye:. Hau: zigi shi" dagyoin ri myang zi nghoid. Aseing gi ?Amo we" nang ce: noem myang lha"? ga: myid:.
Ngoo gi ?Shi" dagyoin ri myang? ein: phoug tid.
Houg: lang" Aseing gi ngoo ri nga" byumyu" Israela yi da" lo" thang ayo, ju" loo bye:. Nyangnu" ri yooboo dam byid: wa ein: ngoo myidyung to" khyoo: ri doem lhid: loo: wa zi anghoid. Hau: bidnyid ri khokham khoo" mo jikhoin" thui: gi ngoug thui: yo' thid go" loo" wa. Khayoo: we" shid: mang yo' byeung" jo, wa nghoid. Nyangnu" gi shid: mang joem ri sam zoo: she: pyam boem wa nghoid.
Sho" jhen: bang: ri nang: zeug lho: mungdain: myoung shoo" mo, ri phyo' shoin' pyam mo, we"- tam" gyoo: we'. Nanu" gi nanu" nyang: ri ngoonu" da" gug zoo yo" ung" wa shid re" gyeung" shang: bidnyid khanham yo" lid: loo" wa au: ein: lang" ngheung" nyid boem bye:. Dougno: Bidnyid khanham yo" lid: loo" wa lug au. Houg: lang" ngoonu" gi zi gu to' lho: jang fain" ci: ziyo' zi qei mo, ri mhoug zoo: wa zi nghoid o". Sungsoo: amo ziri gu cang" cang" yo" ung" wa zigi ngoonu" gi khyid: baid dazoem" phoug" lang" jhen: ayo" xab da" sho" jhen: mo, ri sho: yu lho: join khyo" qei yu ago".
Israela da" Aseing Mangsoo gi nheing" khoin" kaid bye:. Ngoo gi nyangnu" da" moo" zoo" ri khanham we' to" myhid loo: wa zi anghoid. Houg: yoomo mougmyid gi myid leig leug loo: wa. Mungdain: khoug: moo nyid da" byu yi yugkhang" moo" gi seing" kho" lo boem wa. Damung" goin" yoid yoid ga: lei" lo wigi hau: zigi Nila gyid gyung: je: gyo" lo ziyo' dakhyoo" ti" nghoid wa. Ngoo gi bid nyid" gung tu: lo da" uri bid ri vang loo" nhang: lho: myidjang gi nyid" ayo, moo moug: coid lo da" ayo, ju" bye:. Yoem: moo" bo Aseing ngoo tid nyid bye:. 10 Ngoo gi nanu" da" pyoo: pui" joem ri shid: pui" bue" byug nhang: lho: nanu" da" jihkoin" thui: joem ri we' koug ngoug thui: joem bue" lo" byug nhang: wa. Ngoo gi nanu" da" vhuloem joem ri vhu" pyoid pyoid pyam nhang: wa wigi jid: moo" byimi ri void ci: nhang: wa zi nghoid. Hougsu" nanu" gi yug gi nu" zooti" zoo: shid: yoomo koug ngoug nyid da" myhi' phoo tang: yhang: ti" bui" loo" nhang: wa. Hau: bidnyid gi lo" thang moo ju" sho' youg: khe" nyid wa zi nghoid.
11 Hau: mung" moo ngoo gi zooyoid phang" khoug gyo" da" bidnyid ri ju" loo nhang: wa. Hau: uri byu yigi zooyoid loo wa. Nghoid loug we' hau: zigi zooyho' anghoid. Nyangnu" gi gyid shid loo wa. Nghoid loug we' hau: zigi gyid anghoid. Nyangnu" gi Aseing mo mungdang: ri yoid shid wa zi nghoid. Yoem: moo" bo Aseing ngoo gi tid bye: 12 Mung" byu yigi he: xoo" thoem" mo zi meing: gung panglai: moo ju" sho' xo' lho: wigi mougzhung: mo zi bidthu shoid khyoo: ju" loo" sho' so" lheung: loo" goo" wa zi nghoid. Nyangnu" gi Aseing mungdang: ri joyoo khyi' khang" moo" moo cang sho: yen" goo" wa zi nghoid. Nghoid loug we' nyangnu" gi hau: zigi shau" shoo: goo" wa zi anghoid. 13 Hau: da" bidnyid moo yang" zain: da" zoolu: zoo: yi zoomyi: zoo: yi we' gyid shid wigi agyeing: asoo" loo: leung lo" boem wa nghoid. 14 Samari voo mo soolhoo: yu phara" joem ri jham' tang: lho: ?Dan mung" mo yu phara" khyo" hougsu" anghoid lang" gi Berasheba mo yu phara" khyo" ga: jham' tang: da" byu yigi gyoeb gyo" lo" lho: khanham we' adoem yo" too' loo: goo" wa? ga: tid nyid.