22
Myhi' phoo' mangnhung" yi we"- nanu" da" shidkhoin" moo tid shed, yu" bye: da" dang: ri doem tam" gyo" yu" ge' ga: tid. Nyangnu" gi Hebre" myeing" khyo" nyangnu" ri tid da" dang: ri shau" gyo: boem lang" gi je" tam lo" boem bye:- houg: lang" Polu gi xo' lho: wigi Ngoo gi Kiliki mung" Tarshu voogung moo khu: lo da" Yuda byu dayug nghoid. Nghoid loug we' he: da" Yerusalem voomoo" mo Gamale da" jung' nu" dayug khyo" nyid gyi: loo su: nghoid- nanu" da" phoug" phyid" yi da" tarha" khoug: moo thain: khyo" jhau" byid: ziri we' ngoo kham: yu lo yu" bye:. Akhid" nyid" hid: moo nyid boem da" nanu" dangain" mo, yo' dakhyoo" ti" ngoo we' Mangso shid moo kang: lung' bu lo yu" su: nghoid bye:. Ngoo gi khyoo: he: khaid cang mo, ri shid: sho' shen" yhen lo yu" da" byu dayug nghoid. Ngoo gi yug gi myiyi: yi ri myheug yu lho: thung: lhoung lo yu" su: nghoid. Ngoo tid nyid da" dang: khoin" joem gi deung: khyoo: ri Khainjung agyi phoo' yo' tarha" yab, do, goin" mo mo, gi sagsi yo" kham boem wa zi nghoid. Ngoo gi nyangnu" da" lo, mo Damasku voogung moo zheung: nyid da- Yuda mangnhung" yiri lhid" foin: kaid da- mougsoug" ri lhoem: yu ci: lho: houg: moo nyid mo, ri yooboo dam byid: wa shid re" myheug yu lho: Yerusalem voomoo" khyoo: tei" she: yhi: wa shid mo ngoo gi Damasku voogung khyoo: do, loo" bye:.
Ngoo gi houg: su" do, lo" nyid da" uri Damasku voogung khyoo: jhang lo" nyid ri bid nyid" gung tu: lo da" ayo, moo mougkhung: mo doug, bang da" bidbang daloem: gi nyid' dain' tung" nga" da" ayam, aqei: moo bang lo. Houg: lang" ngoo gi myidjang khyoo: leung lo" wigi sho" lu- sho" lu, Nang ngoo ri ce: noem koid shen" yhen nyid lha"? ga: ngoo ri tid da" thui: ri shoug" gyoo: bye:. Ngoo gi Aseing we" nang hang" nghoid lha" ein: myed: kaid ri nyang: tid zigi ?Ngoo gi nang shen" yhen nyid da" Nazared voo mo Yesu nghoid? ga: ngoo ri tid. Ngoo yo' dage" do, loo" bang: gi hau: da" bidbang ri myang boem nghoid loug we' ngoo ri dang: tid nyid su: da" thui: rigi ashoug" gyo: boem nghoid ago". 10 Houg: lang" ngoo gi ?Aseing we"- ngoo khasu" koid loo: wa lha"? ein: myed: kaid lang" Aseing gi to" lho: Damasku voo khoug: khyoo: vang yhe: loo" we' Nang koid wa shid re" Mangsoo nyheung to" da" moozoo" dangain" ri hau: voo moo nang tid kyoo" wa nghoid? ga: tid. 11 Houg: su" doug, bang da" bidbang wigi ngoo gi myo, jed, lo" byug lho: nga" byen, cang" yi gi ngoo ri lo, mo she: wigi Damasku voo khoug: khyoo: shu" vang lo" ago". 12 Ngoonu" da" tarha" ri phau" cang nyid su: nghoid ziyo' Mangso khyoo: ri kang: lung' bu su: nghoid wigi hau: voogung moo nyid da" Yuda byumyu" yi dangain" mo, we' coem phau" myang: nyid da" Anani ga: su: byu dayug gi nga" jhang moo ju" re. 13 Nyang: gi nga" nam, moo re" yab, jo, lho: wigi mangnhung" phoo' Sholu we"- Re" da" myo, doem myang loo ja" o"- ga: tid da. Houg: lang" nga" myo, doem myang lo wigi nyang: ri yu" kaid ri 14 Anani tid zigi nang gi ngoonu" phoug" phyid" yi Mangsoo nyang: vho: da" khyoo: ri si' wa shid re" we' Mangso da" deingmain" da" deizoo: ri shau" myang wa shid re" we' Mangsoo gi nang ri khyen: yu bye:. 15 Khasu" wim gari Nang gi nanyang: shau" myang bye: da" khyoo: yo' nanyang: shoug" gyoo: bye: da" dang: ri byu yug khang" moo" ri tid kyoo" byid: wa shid mo hau: Aseing da" sagsi bue" loo" wa. 16 Nang akhid" cenoem wigi ne" nyid lha"- to lho: babtisma kham: yu re- re" yooboo cid" shang: pyam zi shau" wa shid re" Aseing ri Akyu" mho' we' ga: ngoo ri tid.
17 Ngoo gi Yerusalem voomoo" khyoo: doem ju" lo" lho: Noku Yhoem: Moo" moo akyu" mho' nyid uri yoeb, myang daja: ri myang bye:. 18 Hau: yoeb, myang moo Aseing ri ngoo shau" myang wigi nang Yerusalem voomoo" mo myab, myab, thu' loo" we' Khasu" wim gari he: voomoo" mo bang: gi Nga" khyoo: yo' sen: lho: wigi nang sagsi kham da" dang: ri akham: yu goo" wa"- ga: wigi ngoo ri tid. 19 Houg: lang" ngoo gi Aseing we" ngoo gi tarha" jung joem moo cang vang yen" lho: wigi Nang ri loem" jeing" loo bang: ri myheug yu lho: baid said su: nghoid ziri nyangnu" se' ago". 20 Hougsu" wigi re" da" Re" da" sagsi phoo' Stephan ri said da" uri we' ngoo nyang: we' houg: moo nyid lho: bo myid veing" ziyo' nyang: ri said bang: da" byimi joem ri bo zung" byid: bye: ein: phoug tu" kaid. 21 Houg: lang" Aseing gi yhe: loo" we' Khasu" wim gari- ngoo nang ri tungbau byumyu" yi nyid da" Ve: da" mung" khyoo: nhang: kaid wa. 22 Mung" byu yi gi hidsu" tid nyid jang" moo ju" sho' tam" gyo: yu" nyid boem ago". Nghoid loug we' hau: thang: ri nyangnu" gi nyang: ri yu, pyam ge"- said pyam ge"- nyang: gi dei nyid wa zi amoin: loo: nghoid da:- ga: wigi myhang: thang da" thui: yo' nyho: nyid boem ago". 23 Nyangnu" gi zheung: nyho: nyid boem ziyo' nyang: nya: da" byimi ri khyoid fe: lho: pheilhoug: ri geug, sain" koid nyid ago". 24 Houg: lang" Roma gyizoug: moo" gi Polu ri gyidab, khoug: khyoo: shu" vang lo" lho: nyang: ri Yuda byumyu" yi gi hidsu" gyi koid lho: nyho: nyho: nyid boem da" khyoo: ri si' wa shid mo Polu ri baid lho: dang: myed: wa shid mo- nya: gyizoo: yi ri amyeung" byid: kaid. 25 Nyangnu" Polu ri baid wa ga: tei" lo" boem lang" gi Polu gi ayam, moo yab, jo, da" gyizoug: phoo' ri Roma mungbyu dayug ri nya: yooboo rishi" amyed: ca: yu" loo za:- baid wa da" amyeung" jo, la"? ga: myid: kaid. 26 He: da" dang: ri gyizoug: phoo' shoug" gyoo: lang" nyang: gi nya: atho' moo gyizoug: mo" jhang khyoo: yhe: lo" wigi zoug: moo" we"- nang cenoem koid zi nghoid! Byu he: yug gi Roma mungbyu dayug nghoid ga:- yhe: tid. 27 Houg: su" zoug: moo" gi Polu jhang khyoo: re" lho: nyang: ri Nang gi Roma mungdain byu nghoid la". Ngoo ri tid kyoo" we' ga: tid. Polu gi nghoid- ga: phoug tid. 28 Gyizoug: moo" gi Ngoo gi ngei myoo" sho' byid: lho: Roma mungdain byu bue" loo su: nghoid- ga: tid lang" Polu gi- ngoo gi khu: ri" mo nyang: bui" bye: ga: tid. 29 Houg: lang" nyang: ri myed ca: yu" wa ga: soin' nyid mo, gi nung zoid zoid, lo" ago gyizoug: moo" gi Polu Roma mungdain byu nghoid- ga: ziri si' lang" nyang: ri jang coo" foid shoid bye: yoomo gyoug dain' pyam bye:.
30 Gyizoug: moo" gi Yuda byumyu" yi ci: yoomo Yooboo foin: go" khyoo: ri goolhoo' za: si noug yoomo nyang: gi thang: nyid ri Polu ri jang coo" tei" to" ziri phoid: pyam nhang: lho: khainjung agyi moo"' yi yo' Yuda tarha" kongsi: moo boo mo, dangain" ri zeung: phoung, lo boem wa shid mo amyeung" khyo' kaid bye:. Hau: thang: ri nyang: gi Polu ri shu" lo wigi nyangnu" da" shidkhoin" moo yab, jo, nhang.