TIMOTE
Hemih Paul Laikuat Pahnihnak
A Ngantu, Ngan Kum leh Ngannak Hmun. Timote kuat khatnak hi Paul ih nganmi a ii tiah kan Žan ahcun, a kuat hnihnak hi khaw amah ni a ngan thok ticu zumkhawhmi a i kau. Timote kuat khatnak hi Paul ni a ngan ahcun AD 63-4 sungah a i tleng thok kan tiih, a kuat hnihnak a ngan hlanah Titas a ngan tiah zum a ik ruangah, Timote kuat hnihnak hi cu AD 64 hnuk, 67 hlanah ik tleng ding zum a ii. A ngannak hmun cu Rom thawnginn in a luat duau lio, a khualtlonnak hmun in a i thokih, Masidonia peng hmun pakhatkhat ih ngan zum a ii. Paul ni a ngan lo ahcun AD 90-100 lakah ik a hoih tleng.
A Ngansaktu Thupawl. Pastor Laikuatpawl an pathum hi a ngansaktu thupawl an sakhah deuh ruangah, Timote laikuat pahnihnak khaw thu pace ruangah iloin zirhnaksual doh ding, zirhnakhmaan tlaih Žho ding, zirhsin ding, amah Timote thapiak leh a Žuandan ding sim Žulin a tiah ruangih a ngan Žhanmi a ii. Pakhatnak sungih a ngan lomi thupawl a beeng hngai. Paul ih ngan a ik lo ahcun Pawlpi sung thilomdan cu Paul ih thungeihnak hmangih sim leh laikuat Žul dinhmun ih an phat ruangah a i tleng thok.
A Tumtahmi. A Pastor Žuannak ah Žih lo leh hrul loin tuar kho dingah torh a daw. Cun Lai Thianghlim Žhate leh hmante in hmang dingih torh a daw. Santlai lomi thu-altiaknak cu hrel dingin ralrin piak a daw. Amah Paul khi zohŽhimawk ah hmang dingin torh a daw. Paul ih nganmi a ik lo ahcun, Paul thinlung kengtu a tlawngta ni a sayapa ih thungeihnak hmangin, Paul khi zohŽhimawkah tarlan piakin Pawlpi sung thilomdan Žhatsak a dawtnak a ii.
1
1 Khrih Jesuh sungih a ommi nunnak thutiam phuang dingah Pathian dawtzawng in Khrih Jesuh ih tirhthlah pakhat Paul ni,
2 Ka dawtmi tiapa Timote hemah lai ka tan kuat:
Pa Pathian leh Khrih Jesuh kan Bawipa hemin veel, naktiahnak leh daihnak cu tan pha hram seh.
3 Ka pipule mangin phuhringtia lote ih ka renmi Pathian hemah, a sun leh zan thlacamin ka tan mang ringring, acutikah lungawi thu ka sim.
4 Na mitthli tlak ka vonciing Žhan ih; lungawinak in ka khah nak dingah tan hmuh ka daw.
5 Na zumnak taktak, na pi Lois leh na nu Zunis sungih a om peitami cu pherphuakŽhan ka ii ih, atu hi na sungah a nung kau ti fiangte in ka tiah.
6 Ahi ruangah hin a ii ka kut ka tan suannak thawngin na sungih a ommi Pathian laksawng cu alhsak berbo dingah ka tan pherphuak;
7 icatile Pathian ni ralhruhnak thlarau a man pia ta lo, huham leh dawtnak leh mah-uknehnak thlarau sawn a ii.
8 Kan Bawipa ih thuhla simphuan iseh, a thawngtlapa kamah hi iseh, man zahpi hlah, Pathian huham ringin, thuthangŽha ca-ih tuarnak tu ah ma Žom.
9 Amah cu ka rianŽuan mangin iloin amah ih tumtahnak leh veel mangin a man rungtu leh a thianghlimmi kawhnak in a man kotu a ii. Hi veel hi san a thawh hlanah Khrih Jesuh sungah piak kan ii,
10 ihmansela atucu a man Rungtu Khrih Jesuh a lannak thawngin phuanlan a i rom. Amah cu thihnak a siatsuah tu leh thuthangŽha thawngin nunnak leh thihthiam lonak a phatpi ih fiangte in a lansak tu a ii.
11 Ahi thuthangŽha caah hin khuahotu leh tirhthlah leh zirhtu ah thiah ka ii,
12 culeh ahi thu ruangah hin a ii ahi tuar ka tuar. Ihmansela ka ning a zak lo, icatile ka rinsanmi ahu a ik ka tiah, culeh amah ka kinkhawisakminote 1:12 Ka kut sungih ama kinkhawisakmi cu cui nii tiang a kinhim zo kau ti fiangte in ka tiah, ti a i kho ve. cu cui ni tiang himte in a kinkhawi zo kau ti fiangte in ka tiah.
13 Khrih Jesuh sungih na ngeihmi zumnak leh dawtnak ni ruang a zingmi, ka hemin na zirngahmi zirhnak damsam cu tlai kau.
14 Tan kinkhawisak a i mi hlawnthil Žha cu kan sungih a ommi Thiang Thlarau ih bonnak thawng in kilveng kau.
15 Asia peng sungih a ommi hmawhhmawh ni, Figelas leh Hermogenes telin, ama dungtun hngai ti na tiahthiam kau.
16 Bawipa ni Onesiforas ih innsang hemah velngeihnak pia hram seh, icatile ka tha a ma tharthawh ŽiuŽeu ih ka hrenghri hi a zahpi lo.
17 Rom khualipi a phat tikah lakhlahngai in a ma hrawlih a ma hmuh ngah.
18 Cui Ni ah Bawipa hemin velngeihnak co dingah Bawipa ni naktiah hram seh! Culeh Efesa khua ah itlukin a ma zokhen ti cu na tiahthiam tuk kau.