4
Thlarau ni: netala caanpawl ahcun mihrekkhat ni mideuhrau thlaraupawl leh khawsiapawl ih zirhnak an zulhnak thawngin zumnak an zamta thok, tiah fiangte in a sim. Acucu an siaŽha thleidannak thiirling ih vihcaakmi thulopuahtule ih tisaktiaknak in a phasinmi a ii. Nupit pumah ngeih an khamih zumtupawl leh thutak tiah tupawl ni lungawithu simnak rum cosan awkah Pathian ni a vuakmi caw suptiak ding an ngeen. Lungawi thusimnak rum cosan poh ahcun Pathian ih vuakmi izongza hi a Žha ih ituhman hnon awk a i lo; icatile Pathian thu leh thlacamnak in thianhlimsak a ii. Nang cu tiimvaar ringring, tuarnak ing kau, thuthangŽha simtu rian Žuan, na rianŽuan hi kimhlangin Žuan suak kau.
Hih zirhnakpawl hi unaupawl na pherphuak hngai ringring ahcun Khrih Jesuh ih riantu Žha, na zulh mi zumnak thupawl leh zirhnak Žha in cawmmuai mi na i thok. Mi-sapolh thuanthu leh thupilo ih mi-sapolh thuanthu hnawmtaam cu hrel hngai. Pathian Žihzahnak nun zirhtia. Icatile tiksala zirhtiaknak cu Žhathnemnak izet maw a ngei kau, Pathian Žihzah cu lam cang in a Žhahnem, atulio leh a pha laithokmi nunnak an pahnih caah Pathian ih thutiam a ngei. Ahi thu hi a felmi leh kimte ih cosan tlak a ii. 10 Icatile a nungmi Pathian, mi zate caah leh a hleicein a zumtupawl caah, Rungtu a i mi parih kan ruahsannak kan siah ruangah, a hi nunnak tintah ahhin retheiin kan Žuanih kan zuam ciamco. 11 Hipawl hi na sim hngai reuri awk leh na zirh awk an ii. 12 Ahuhman ni mino na iknak hi tan nautat hlah uh seh. On-aan leh nuncan, dawtnak, zumnak, thianhlimnak zoŽhimawk tu i sawn. 13 Ka phat hlansung cu mipi hemih Lai Thianghlim relnak, mi thapiaknak, zirhnak ah na pun piatia. 14 Pawlpi zokhentule ni na parah kut an suan lio ih profetthusimnak in tan piak a i mi, thlarau laksawng na sungih om cu daithlan hlah. 15 Ahipawl hi hmang hngai taktak la, anmah ahhin na pun piatia, cuticun mi zate ni na Žhanso zia a hmu taw uh. 16 Namah leh namah, cun na thuzirh Žhate in thluhmau la a hipawl hi pehzulh hngai, icatile ahi na tinak ahhin namah leh na thusim a ngaitupawl na rung hngai thok.