2
1 A peitatlengah, dilnakpawl, thlacamnak, mi ca-ih dilnakpawl leh lungawi thusimpawl hi mizakip caah, siangpahrangpawl leh dinhmun saang ih omtupawl caah, ngeih i dingin ka tan torh,
2 cuticun Pathian kan Žihzahnak leh upattlak iknak zate rum, daite leh remte in khua a sa kho taw ung.
3 Ahihi a Žha ih a man Rungtu Pathian lungawisaktu a ii,
4 amah cu mizakip runmi an ik ding leh thutak an tiah ding a hiar tu a ii.
5 Icatile
Pathian pakhat a om;
Pathian leh minungpawl lakah
laktattu pakhat,
Khrih Jesuh, amah rori
minung a ii ih,
6 mizate caah tlannak caah
amah leh amah
a pia tia tu a ii –
acucu a caan hmaan te ah
fiansak a ii.
7 Ahi caah hin khuahotu leh tirhthlah, zumnak leh thutak hi Zentail-mipawl zirhtu dingah, thiah ka ii (thungai ka sim, mi ka deu lo).
8 Biakkhawmnak hmun cang ah pamipawl cu hehharnak iklole thul-altiaknak telloin kut thianghlim hlirih thla an cam ding ka daw.
9 Numipawl khaw zohmawi fang leh anmah rum hoihtia fang in thuamtia uh seh; an sam hleihluan in tomngerh hlah uh seh, sui iklole tikeplungpawl, iklole mankhungmi partlaipawl rum thuamtia hlah uh seh.
10 Pathian laah punpiatia ih a sim tia tu numi le cu a Žhami rianpawl in an thomtiak ah a hoih hngai.
11 Numi cu thungaihnak tlamtling rum daite in zir seh.
12 Numi ahu khaw zirhtu a ik ding, iklole pami cungih thu a ngeih ding ka sen lo; daite in a om awk a ii.
13 Icatile Adam cu zing peita a ii. cuhnukah Eve a ii;
14 culeh Adam cu deuh a ita lo, numi cu deuh a ita ih daanbuartu a cang.
15 A inain ani cu zumnak leh dawtnak leh thianhlimnak, zohmawi fang iknak rum a nun pehzulh ahcun, nauhrinnak thawngin run a i thok.