7
1 Acu hnukah vulei kil li ah dingin, vulei parah iseh, rili parah iseh, thingkung lasan ah iseh huih tlo lo dingin vulei ih huih pali a tlaihtia tu vanmile pali ka hmu hngai.
2 Nisuahnakla in vanmi pace pakhat, a nungmi Pathian ih tacik a ngei tu a hang kai ka hmu, culeh vulei leh rili siatsuah dingih huham piak a imi vanmile pali hemah aw dakpi in,
3 “Kan Pathian ih salle an cal parah tacik rum kan minhlin ngah hlansung cu vulei iseh, rili iseh, thingkungpawl iseh, siatsuah hngai hlah,” tiah a au.
4 Culeh tacik khen a imi pawl ih milu siar ka za, Israel mipawl ih hrin cang in thawng za khat thawng sawmli leh thawng li tacik khen an ii:
5 Judah hrin in thawng
hleihnih,
Reuben hrin in thawng
hleihnih,
Gad hrin in thawng
hleihnih,
6 Asher hrin in thawng
hleihnih,
Naftali hrin in thawng
hleihnih,
Manasseh hrin in thawng
hleihnih,
7 Simeon hrin in thawng
hleihnih,
Levi hrin in thawng
hleihnih,
Issakhar hrin in thawng
hleihnih,
8 Zebulun hrin in thawng
hleihnih,
Josef hrin in thawng
hleihnih,
Benjamin hrin in thawng
hleihnih,
tacik khen an ii.
9 Acu hnukah ka zoh ih, ram cang, hrin cang, miphun cang leh aan cang in ahuhman ih siar khawk lomi mibuur pi ka hmu hngai. ToŽhiang leh Tusuan hmala ah dingin, angkitual raang an khawhtia ih an kut sungah tuum kopawl an puttia.
10 Aw dakpi in an au ih,
“Runnak cu toŽhiang parih
a to tukan Pathian leh
Tusuan ih ta a ii,”
tiah an ti.
11 Culeh toŽhiang velkim leh upapawl leh thilnungle velkim ih a ding tu vanmi an zate in toŽhiang hmala ah kumin Pathian an bia ih,
12 “Amen! Thluasuah,
sunparnak, tinnak,
lungawinak, upatnak,
huham leh thaŽhawngnak cu
kan Pathian hemah
a kumkhua in
om kau seh! Amen,”
tiah an sa.
13 Cutikah upale lakih pakhat ni, “Angkitual raang khawhtiami hi ahule an ii ih khawnang in an pha?” tiah a ma ti.
14 Kei ni a hemah, “A tiah tu hmawh namah ii ci ee, bawipa,” tiah ka ti. Cutikah ani ni, “Hile hi intemnak hnempi sungin a suak tule an ii; an angkitualpawl Tusuan thisan sungah an hlau ih an raan sak.
15 Ahi thu ruangah Pathian
toŽhiang hmala ah an omih,
a biakinn sungah amah cu
sun leh zan in an bia,
culeh toŽhiang parih a to tu ni
anmah a hneep hngai thok.
16 An Ža a Žhi ti thok lo,
culeh tii an hal ti thok lo;
nii ih satnak ni khaw
a kaang hngai ti thok lo;
17 icatile toŽhiang laisimih
a om tu Tusuan cu
an tukhal a i thok,
cun nunnak ti aputmi
cirhpawl ah
a hruai hngai thok,
cun Pathian ni an mit ih
mitthli hmawhhmawh
a hnulpiak hngai thok,”
tiah a ma ti.