4
Ahi hnukah khua ka zoh ih, vancung ah sangka hongtia pakhat ka hmu. Culeh a peitatleng ih aw, tawtawrawt mangin ma bia ih ka zak tak mi ni, “Hinangah hang kai, cun ahi hnukih a cang dingmi ka tan hmuh thok,” tiah a ti. Avoikhat ah Thlarau sungah ka om, culeh vancung ah toŽhiang pakhat, a parih mi pakhat a to mi a om. Culeh acunangih a to tu cu a hmuihmel jasper-lungmankhung a kha leh karnelian lungmankhung a san – mang a ti ih a toŽhiang velkim ah a kha mi lungmankhung, emerald mang a timi sumhmusa ni a kul. ToŽhiang velkim ah bawi toŽhiang kul hluanli an omih, a parih a to tu cu angkitual raang khawhtia in an lu parih siangpahrang lukhum rum a i mi upa kul hluanli an ii. ToŽhiang hemin nimtla kau ziakzo leh khuari awn hiamho a suakih, toŽhiang hmala ahcun Pathian ih thlarau pasarih a imi meitle pasarih alh liaklo an om; culeh toŽhiang hmala ahcun khristal timi thlalang lungvar mang a imi, rili thlalang mang a timi a om. ToŽhiang velkim leh toŽhiang kap cang ah an hmala leh an dungla mit rum a khatmi thilnung pali an om: thilnung pakhatnak cu kiosa mang a ii, a sontu thilnung cu cawpetuum mang a ii, a pathumnak thilnung cu a hmel minung hmel mang a ii, cun a palinak thilnung cu a soimi thlokhing mang a ii. Thilnungle pali, thla paruk vek ngeimi, cu an velkim leh an sungla ah mit rum an khat. Sun leh zan awlloin,
“Bawipa Pathian Zongzatikho,
omta mi leh omlio mi leh
om laithok mi cu
A thianghlim, a thianghlim,
a thianghlim,”
tiah hla an sa.
Culeh thilnungle ni toŽhiang parih to tu, a kumkhua in kumkhua a nung tu cu an sunpar sak, an upat, an thangŽhat tikah, 10 upale kul hluanli cu toŽhiang parih a to tu hmaiah an bokih, kumkhua in kumkhua a nung tu cu an bia; toŽhiang hmala ah an siangpahrang lukhumpawl cu an Žhumih,
11 “Kan Bawipa leh Pathian,
Nang cu sunparnak leh
upatnak leh huham
co dingah na tlak,
icatile thil zate hi
na seemsuah hngai ih,
an om leh seemsuah an ik hi
na thudawt in a ii,”
tiah hla an sa.