20
Cuhnukah vanmi pakhat vancung in a zong Žum ka hmu, a kut ah tawnengeilo khurawng honnak tawh leh thirhreng hnempi a puttia. Rulhreng, akhi khuahlan rulpi, Khawsia leh Satan a i mi cu a ponih kum thawng khat caah a Žawn, culeh khurawng ah a thla ih, kum thawng khat a deng hlansung miphun – pawl deu hngai ti lo dingah tawh a kalh ih a parah tacik a khen. Acu hnukah cun cangkhatte sung caah suahsak a i thok. Culeh toŽhiangpawl ka hmu hngai ih a parih a to tule cu thuŽhen dingah thungeihnak piak an ii. Jesuh Khrih ih thu an simnak leh Pathian thu caah luŽhawh a tuar tupawl ih thlaraupawl ka hmu hngai. Anmimi cu sahrang iseh, a mepa iseh an bia lo ih an cal parah iseh an kut ah iseh amah ih minhlinnak an ngei lo. An hang nung ih Khrih rum kum thawng khat sung an uk. {A taangmi mithipawl cu kum thawng khat a deng hlansung an hang nung lo.} Ahihi a peita thawhŽhannak a ii. A peita thawhŽhannak a Žom tupawl cu mi thluasuak leh mi thianghlim an ii. Ahile parah cun thih hnihnak ni huham a ngei lo, Pathian leh Khrih ih tlangbawipawl an i thokih Khrih rum kum thawng khat an uk thok.
Kum thawng khat a deng tikah Satan cu thawng sungin suah a i thokih vulei kil li ih a ommi miphun hmawhhmawh deu hngai dingah a tat thok, acucu Gog leh Magog timi an ii, raldo dingah a khawm hngai thok; anmah cu rili kap sahrai zet an tam. Vulei kauh zetin an Žhektia ih mithiangpawl ih buuk leh dawtngaimi khualipi cu an ulkim. Culeh vancung in mei a zong tla ih a kaang hngai. 10 Cun anmah a deu hngai tu khawsia cu sahrang leh ahman lomi profetpawl omnak mei leh kaat li sung ah paih a ii ih a sun leh zan hrem an i thluangthluan thok.
11 Cuhnukah toŽhiang raang hnem pakhat leh a parih a to tu ka hmu; vulei leh van cu a hmaika in an leeu ih an caah hmun a om lo. 12 Culeh mithipawl a hnem in a tiin in toŽhiang hmaiah dingin ka hmu hngai; laibupawl an kaau. Laibu pace, nunnak laibu khaw kaau a ii. Culeh mithipawl cu laibupawl sungih ngankhum mang, an rianŽuanpawl mangin thuŽhen an ii. 13 Culeh rili ni a sungih a ommi mithipawl a hansuah hngai, Thihnak leh Mithikhua ni khaw an sungih a ommi mithipawl an hansuah hngai ve ih an zate an thil ti takmi mangin thuŽhen an ii. 14 Cuhnukah Thihnak leh Mithikhua cu mei li sung ah an paih. Ahihi thih hnihnak mei li cu a ii, 15 culeh nunnak laibu sungih an min hmuh a i lo mi ahukhaw mei li sung ah paih an ii.