16
1 Cuhnukah hmunthiang in aw pakhat ni vanmile pasarih cu, “Tat uh la vulei parah Pathian ih thinsiatnak hai pasarih cu thle uh,” tiah a sim hngai ka za.
2 Curuangah a pakhatnak vanmi cu a tatih vulei parah cun a hai cu a thle, culeh sahrang ih minhlinnak a ngei tupawl leh a mepa a bia tupawl parah a tiakngaimi masiapawl an suak.
3 A pahnihnak vanmi ni a hai cu rili sung ah a thle ih mithi ih thii mang ah a cang, culeh rili sungih a omtu thilnung zongza an thi.
4 A pathumnak vanmi ni a hai cu tipipawl leh cirhpawl parah a thle ih thisan ah an cang.
5 Culeh ti parih thungeitu vanmi ni,
“Maw Mi Thianghlim,
a omlio leh a omta tu,
Na ding, icatile hi thilpawl hi
thu na Žhen hngai;
6 Mithiangpawl leh profetpawl ih
thisan an luansak ruangah
an din awkah thisan
na pia hngai.
Acucu an caang a ii!”
tiah a ti ka za.
7 Culeh pakawh ni,
“A ii, Maw Bawipa Pathian,
Zongzatikho,
na thuŽhenpawl cu
an hmaan ihan ding,”
tiah a son ka za.
8 A palinak vanmi ni a hai cu ni parah a thle ih, ni cu minungpawl mei mangin kaang hngai dingah sen a ii.
9 HrulŽha a satnak thawngin a kaang hngai, ihmansela ahi ngalbeu-pulhpawl parih thungeitu Pathian min cu an camkha ih sual rimin amah sunparnak an pia lo.
10 A panganak vanmi ni a hai cu sahrang ih bawi tokheng parah a thle ih a uknak cu khuamaw sung ah a pil riaro. Mipawl cu an tuar harin an hmur an Žamih
11 an titiakpawl leh an masiapawl ruangah vancung Pathian an camkha, an thiltipawl cu an rim hlei cuang lo.
12 A paruknak vanmi ni a hai cu Eufrates tipi parah a thle ih nisuahnakla siangpahrangpawl lam sialpiak hngai dingah a ti cu a keu.
13 Culeh rulhreng kaa, sahrang kaa leh a hmaan lomi profet kaa sungin uŽawk mang a ti mi thlarau sia pathum an vasuah ka hmu.
14 Ahile hi khawsiangei thlaraupawl an ii, hmuhsaknakpawl an vua ih vulei punpuluk ih siangpahrangpawl hemah, Pathian Zongzatikho ih Ni pipa ni ah amah raldo dingih khawm awkah an tat.
15 (“Zohhman, mitir mangin ka pha thok. Partlai loin vak lianglo ih ningzah huat lo dingah thinhrip in a omih partlai a sinthlai tu cu mithluasuak a ii.”)
16 Culeh Hebru aan in Harmegedon tiih kawhmi hmun ah an khawm hngai.
17 A pasarihnak vanmi ni a hai cu huih lakah a thle, culeh hmun thiang ih toŽhiang in aw dakpi pakhat a suakih, “A uuktia rom,” tiah a ti.
18 Culeh nimtla kaau ziakzo, khuari awn er-o, awn hiamho thawngpawl leh linghnit rauh ngaite, vulei parih minungpawl an om thawh in a tlung thah rih lomi cu an suak; cui linghnit cu a rauh ngaite.
19 Anasami khualipi cu Žhen thum ah a Žhentia ih, rampawl ih khuapipawl an rawk. Pathian ni anasami Babilon khuapi cu a cingkeng ih a thinsiat rauhngainak sabit hai cu a tul.
20 Culeh tikulh cang an beeu ih tlangpawl khaw hmuh awk an om ti lo;
21 a hnem taktakmi rialtapawl, taa khat ih cuai 30 luan a ritmi cu vancung in minungpawl parah an zon thla. Rial ih hremnak cu hrulŽha a ik tuk ruangah mipawl ni Pathian cu an camkha ceuhco.