15
1 Cuhnukah vancung ah hmuhsaknak pace ka hmu, a makih khuaruahhar a ii: vanmile pasarih cu ngalbeu-pulhpawl pasarih rum an ii, acucu a netatleng an ii, icatile anmah in cu Pathian ih thinsiatnak a dengtia.
2 Culeh mei rum cawhmi thlalang rili mangih a langmi ka hmu ih, sahrang leh a mepa leh a min ih nambat a neh tupawl cu thlalang rili hramah cun Pathian ih tingtangpawl puttia in an diing.
3 Culeh Pathian ih sal Moses ih hla leh Tusuan ih hla:
“Bawipa Pathian Zongzatikho!
Na thiltimi cu an nasa ih
khuaruahhar an ii!
Kumkhua Siangpahrang!
Na thiltidanpawl cu
an ding ih an hman.
4 Maw Bawipa, ahu ngai
hilei maw na min
a Žihzah lo tu leh
a sunparsak lo tu thok cu?
Icatile nang ceu
na thianghlim.
Ram hmawhhmawh ih
mipawl ni na hmaika ah
pha in an tan bia thok,
icatile na thuŽhenpawl cu
phuanlan an i rom,”
timi an sa.
5 Ahi hnukah khua ka zoh ih vancung ah Thutiahpinak Puanthlaam sungih Hmun Thiangtleng cu a hongtia,
6 culeh hmunthiang sung cun ngalbeu-pulhpawl pasarih rum a i mi vanmi pasarih an suakih, sianglaraang puan thiang sintia in an Žangah sui Žangben an bentia.
7 Cutikah thilnungle lakih pakhat ni vanmile pasarih cu kumkhua in kumkhua a nungmi Pathian ih thinsiatnak in akhatmi sui hai pasarih a pia hngai,
8 culeh hmunthiang cu Pathian sunparnak leh a huham in a suakmi meikhu in a khatih vanmile pasarih ih ngalbeu-pulhpawl pasarih an deng hlansung cu ahuhman hmunthiang sung an lut zo lo.