14
Cuhnukah ka zoh ih Tusuan a om, Zion Tlang parah a ding. Culeh an cal parah amah ih min leh a Pa ih min ngan a i mi minung thawng za khat, thawng sawmli thawng li amah rum an om. Culeh vancung in ti tampi thawng mang leh khuari dakpi thawng mang aw pakhat ka za; ka zakmi aw cu tingtangtumtule ih an tingtang tummi aw mang a ii. ToŽhiang hmala leh thilnungle pali hmala leh upale hmala ah hla thar tiing khat an sa. Vulei in tlansuak a i rommi minung thawng za khat leh thawng sawmli leh thawng li simlo ahuhman ni acui hla cu zir khawh a i lo. Ahile hi anmah leh anmah numi rum thurhnawm in a vuatia lo tupawl an ii, icatile vaalhriim an ii; Tusuan vahnak cang an zul. Anmimi cu thlaitharpawl dinhmun in Pathian leh Tusuan caah minung pawl lakin tlansuak rommi an ii ih an kaa sungah thulo a om lo, mawhngeilo an ii.
Cuhnukah vanmi pace pakhat cu, vulei parih a om tupawl – ram kip, hrin kip, aan phun ip leh mi kip hemih simthan dingmi kumkhua thuthangŽha rum vancung laisim ah a soi ka hmu. Ani ni aw dakpi in, “Pathian cu Žihzah uh la sunparnak pia uh, icatile a thuŽhennak caan a pha rom; cun van leh vulei, rili leh cirhpawl a vuatu cu bia uh,” tiah a ti. Cutikah, a sontu vanmi pace ni a zulih, “Anasami Babilon, ram zate hurnak zu a dinsak hngai ih, Pathian thinsiatnak a suahsak tu cu tlakngah ee, tlakngah ee!” tiah a ti.
Cutikah anmah a zul hngaitu a pathumnak vanmi ni aw dakpi in, “Sahrang leh a mepa a biatupawl, an cal parah iklole an kut ah minhlinnak a co tupawl cu 10 itu-cawhloin Pathian hehharnak hai sungih thletmi a thinsiatnak zu an ding ve thok, culeh a thianghlimmi vanmile hmaika leh Tusuan hmaika ah mei leh kaat in hrem an i thok. 11 Culeh anmah hremnak meikhu cu a kumkhua in kumkhua a hangkai hoi. Sahrang leh a mepa a bia tupawl leh a min minhlinnak a cotu caah cun an tuar awl nak ding sun iseh zan iseh a om lo,” tiah a au. 12 Ahihi mithiangpawl, Pathian thupiakpawl a zultu leh Jesuh an zumnak a tlaiŽho tupawl cu thinsau ih in thok tinak a ii. 13 Culeh vancung in aw pakhat ni, “Hihi ngan: Atu hin Bawipa sungih a thi tupawl cu mithluasuak an ii,” tiah a ti ka za. Thlarau ni, “A ii, an Žuan khung in an dindaihtia vel thok, icatile an thiltipawl ni an dungin an zul hngai,” tiah a ti.
14 Cuhnukah ka zoh ih meici raang a om, a parih a to tu cu Mi Tiapa mang a ii, a lu parah siangpahrang lukhum leh a kut sungah a parmi thacin a om! 15 Biakinn sungin vanmi pace a vasuakih meici parih a to tu cu aw dakpi in, “Na thacin hmang la thlaikhawm ding cu rip hngai, icatile vulei ih thlaikhawm ding cu a hmin tuk ruangah thlai rihnak caan cu a pha vel,” tiah a heh. 16 Curuangah meici parih a to tu ni a thacin cu vulei parah a hawlih vulei cu thlaikhawm in a khawm. 17 Cuhnukah vancung ih biakinn in vanmi pace a vasuakih ani khaw a par mi thacin a ngei ve. 18 Cuhnukah pakawh in van mi pace a suak, mei parih thungeitu vanmi a ii ih a parmi thacin ngeitu cu aw dakpi in, “Aparmi na thacin hmang la vulei ih sabit sawrpawl cu hlep hngai, icatile sabit an hmin rom,” tiah a heh. 19 Curuangah vanmi ni a thacin cu vulei parah a hawlih vulei parih sabit a khawm hngai, culeh Pathian thinsiatnak sabit rialnak khurkuar pi sung ah a hnot. 20 Culeh sabit cu khualipi hnarpawn ih a rialnak ah naan a ii ih peng za hnih hlatnak sung cu sabit rialnak cun sai kakharh cen a saangmi thii a luang.