13
Culeh rili sung cun sahrang pakhat a hangsuah ka hmu, kii pahra leh lu pasarih a ngei hngai; a kiipawl parah siangpahrang lukhum pahra an omih a lu parah thangsiatnak minpawl an om. Ka hmuh mi sahrang cu keiŽial mang a ii, a kepawl cu vonkhual ke mang an ii ih a kaa cu kiosa kaa mang a ii. Rulhreng ni a huham leh a bawi tokheng leh thungeihnak hnempi a hemah a pia. A lu pakhat cu thihpitlak maa a pu mang a ti, ihmansela a maa cu damsak a ii ih, vulei punpuluk ni donharkau in sahrang cu a dung an zul. Sahrang hemah a thungeihnak a piak ruangah mipawl ni rulhreng cu an bia, cun sahrang cu biain, “Sahrang mang ahu a omih ahu a ii amah a do kho?” tiah an ti. Sahrang cu uahtiaknak leh thangsiatnak aanpawl annak ah kaa pakhat piak a ii ih thla sawmli leh thla hnih sung thungeihnak hmang dingin sen a ii. Pathian thangsiatnakpawl ang hngai dingah a kaa a ang, vancung ih a om tupawl tican a imi Pathian min leh a omnak a thangsiat hngai. Culeh mithiangpawl raldo hngai in neh hngai ding khaw sen a ii. Hrin zakip, mi zakip, aan phun zakip leh miphun zakip cungah thungeihnak piak a ii ih, thahtakmi Tusuan ih nunnak laibu sungah vulei hrambin pekin an min ngan a i lomi vulei cungih ommi poh ni amah cu an bia thok.note 13:8 Vulei hrambin pek in thah a i ta mi Tusuan ti ih leh khaw a ngah. Naa a ngeitu ahu ni khaw ngai seh: 10 Sal in pon thok mi na ik ahcun sal in pon iknak ah na tat kau thok; ralreen in mi na thah ahcun, ralreen in thah na i kau thok. Hinang ahhin mithiangpawl cu inkhawhnak leh zumtlaknak an lansak a Žul tinak a ii.
11 Cuhnukah vulei in a hangsuak mi sahrang pace ka hmu; tuu mangin kii pahnih a ngei ih rulhreng mangin a ang. 12 A pakhatnak sahrang ih thungeihnak hmawhhmawh cu amah ai-awh in a hmangih, vulei leh a parih omtu hmawhhmawh cu thihpitlak maa a putmi damsak a i mi a pakhatnak sahrang bia dingin a vua hngai. 13 Anasami hmuhsaknakpawl a vua hngai ih mi zate hmuh hnganah vancung in vulei parah mei zong tla ding tiangin a vua; 14 culeh sahrang ai-awh in vuak sen a i mi hmuhsaknakpawl thawngin vulei parih a omtupawl deu hngai ih, ralreen in maa a pu nain a nung Žungmi sahrang ih mepa vua dingah a sim hngai. 15 Sahrang ih mepa ni aan tiang hman ang in amah ih mepa a bia lo tupawl cu thah dingmi cansak hngai dingah sahrang mepa hemah cun nunnak thaw piak sen a ii. 16 Mi zate, a hnem leh a tiin, a lian leh a farah, a luat leh sal tilo an vorhla kut, iklole an cal parah minhlin khaw a ik sak hngai. 17 Cuticun sahrang ih min iklole a min ih nambat a ngei lo tu tican a imi minhlinnak a ngei lo tu ahuhman thil an lei kho in an zuar kho lo. 18 Hihi cu tinnak a Žul: tiahthiamnak a ngeitu ni sahrang ih nambat cu tuat kau seh. Icatile acucu mi pakhat ih nambat a ii, a nambat cu za ruk sawmruk paruk a ii.