12
Vancung ah hmuhsaknak hnempi a lang: minu pakhat cu ni in a thuamtia, a ke tangah thlapa leh a lu parah arsi hleihnih ommi siangpahrang lukhum a om. Amah cu nau a paiih, nausanpiak, nauhrin thok titiak tuarin a hek rero. Cuhnukah hmuhsaknak pakhat vancung ah a lang: a sanmi rulhreng hnempi pakhat cu lu pasarih leh kii pasarih rum a ii ih a lupawl pasarih parah bawilukhum pasarih an om. A mei ni vancung ih arsi hmun thum Žhen hmun khat a thawi hngai ih vulei parah a hawr hngai. Cuhnukah rulhreng cu nau a hring vel thok tu minu hmala ahcun a nau hrin vete in aw la dingah a diing kau. Culeh minu ni nau pami a hringih, miphun hmawhhmawh thir teileng rum a uk hngai tu thok tiapa a ii. Ihmansela a tia cu thiar mianmi in Pathian leh a toŽhiang hemah tahpi a ii; culeh minu cu ni thawng khat leh za hnih leh sawmruk sung cawmŽhat i dingah, Pathian ni amah ca-ih a tuahtim piakmi hmun ramŽhing ah a leeu.
Cun vancung ah ral dohtiaknak a om; Mikhael leh a vanmile ni rulhreng an do. Rulhreng leh a vanmile ni an do ve, ihmansela neh an ii ih vancung ahcun anmah caah hmun a om ti lo. Rulhreng hnempi, acui khuahlan rulpi, Khawsia leh Satan tiih kawh mi, vulei punpuluk a deutu – cu vulei parah zon hawr a ii, cun a vanmile khaw amah rum zon hawr an ii. 10 Cutikah vancung ahcun aw dakpi pakhat ni,
“Atu cu kan Pathian ih runnak,
huham, uknak leh
a Messiah ih thungeihnak cu
a pha rom, icatile kan unaule
sualpuhtu,
kan Pathian hmaika ah
sun leh zan in anmah
sualpuhtu cu zon hawr
a i rom.
11 Ihmansela anmimi ni cu
Tusuan thisan leh
an thutiahpinak thawngin
amah cu an neh rom,
icatile thihnak thok a ik
hman ahan nunnak ni
a zuun hngai lo.
12 Vanpawl leh an sungih
omtule hngai,
nan lung awi uh!
Vulei leh rili caah zong cu
an hmaka a pit,
icatile khawsia cu
a caan a tawi ti
a tiah ruangahthinsiatnak
hnempi rumnan hemah
a zong pha rom!”
tiih a simthan ka za.
13 Curuangah rulhreng ni vulei parih zon hawr a ik a hmuh tikah nau pami a hringtu minu cu a dawi ciamco. 14 Ihmansela minu cu kum khat, kum hnih leh kum hrek sung cawmŽhat a iknak ding amah ih hmun, ramŽhing ahcun rulpi hemin soi kho dingah thlokhing hnempi ih thla pahnih piak a ii. 15 Cutikah minu cu tilian ni tlik mianmi dingah a dungla in rulpi ni a kaa sungin tipi mangin tii a hei phuut. 16 Ihmansela vulei ni minu cu a bawn; rulhreng ni a kaa sungin a hei phuut mi tipi cu vulei ni a ka ang in a dolh la. 17 Cutikah rulhreng cu minu parah a thin a sia ih, minu ih tianaupawl a taangmi, Pathian thupiakpawl a zulih Jesuh thu an dinpimi a tlaihtia tupawl raldo hngai dingin a pok suak.
18 Cutikah rulhreng cu rili kap siatnel parah a diing.