8
1 Curuangah atu cu Khrih Jesuh sungih a om tupawl caah cun sualthuŽhennak a om lo.
2 Icatile Khrih Jesuh sungih nunnak Thlarau ih daan ni sual leh thihnak ih daan hemin a tan luatsak hngai rom.
3 Icatile thisa ih ŽonŽaihsakmi daan ni a vuak zo lomi cu Pathian ni a Tiapa cu a sualmi thisa mangin leh sual raihriknak dinhmun in a thlahnak thawngin thisa sungah sualnak cu thu a Žhen.
4 Acucu keimi thisa mangin nung loin Thlarau dawtzawng in a nung tupawl sungah daan ih ngenmi dingfelnak kimsak a iknak dingah a ii.
5 Icatile thisa ih dawtdan mangin a nung tupawl ni cu an ruahnak hi thisa thilpawl parah an sia.
6 Thisa parih ruahnak siah cu thihnak a ii, Thlarau parih ruahnak siah zong cu nunnak leh daihnak a ii.
7 Ahi thu ruangah thisa parih siahmi ruahnak ni cu Pathian a dokalh; Pathian daan ih thu a zul lo – a ngaingai ahcun a ti zo lo,
8 culeh thisa in a nungcang tupawl ni cu Pathian lung an awisak zo lo.
9 Nangmi zong cu thisa in nan nungcang lo; Pathian ih Thlarau nan sungih a om taktak ahcun, Thlarau in nan nungcang. Khrih ih Thlarau a ngei lo tu ahuhman Khrih ih ta a i lo.
10 Khrih nan sungih a om zong ahcun, nan ruangpun cu sualnak ruangah thi hmansela, Thlarau cu dingfelnak ruangah nunnak a ii.
11 Jesuh mithi lakin a thawhsaktu Thlarau nan sungih a om ahcun, Khrih mithi lakin a thawhsaktu ni nan sungih a om tu Thlarau thawngin a thikhomi nan ruangpunpawl nunnak a pia hngai ve thok.
12 Cuti a ik ruangah ulenauhngai, thisa ih uk mangin nungcang dingin thisa hemah Žuanvo kan ngei lo.
13 Icatile thisa ih uk mangin nan nun ahcun nan thi thok;
14 Icatile Pathian Thlarau ih hruaimi hmawhhmawh cu Pathian ih tiale an ii.
15 Icatile hrulnak ih a tan ngalhsakŽhan hngai tu ding sal iknak thlarau nan co ta lo, tiacansaknak Thlarau tu nan co rom. “Abba, Papa!” tiih kan au tikah
16 acui Thlarau rori cu a ii Pathian tiale kan ik kan thlarau rum a sim bawntia tu cu.
17 Tiale kan ik ahcun rocotule, Pathian ih rocotupawl leh Khrih ih rocopi kan ii – amah rum kan tuar taktak ahcun amah rum sunparsak khaw ka i thok.
18 Atu caan ih tuarnakpawl hi cu kan hemih phuanlan vel thok mi sunparnak rum tahŽhim tlak an i lo tiah ka ruat.
19 Seemsuahmi zongza ni Pathian ih tiale phuanlan an ik thok lakhlahngai in an hngak;
20 icatile seemsuahmi zongza cu amah ih dawtzawng in iloin, a omsaktu ih thudawt in ivongvalo dinhmun ah omsak an ii,
21 seemsuahmi zongza hrimhrim hi ciamzan nak ding saltaannak in luatsak ih, Pathian tiale ih sunparnak ih zalennak an congah ding khi ruahsan in
22 seemsuahmi punpuluk cu atu tiang hi nausanpiak tiah tuarin a aihram berbo ti kan tiah.
23 Seemsuahmi ceu hman iloin kanmah hrimhrim, Thlarau ih thlaitharpawl hi, tiacansaknak, kan ruangpunpawl tlansuak nak ding kan hngah lio ah sungla in kan aihram.
24 Icatile ruahsannak sungah hin run kan ii. Hmuhkhawhmi ruahsannak cu ruahsannak a i lo. Icatile hmuhmi cu ahu ni a ruahsan hmen?
25 Kan hmuh lomi kan ruahsan zong ahcun, acucu thinsaunak rum kan hngak.
26 Cumangin Thlarau ni kan ŽonŽaihnak zawn ah a man bawn: icatile kan thlacam awk a imi mangin khawti in kan cam thok ti kan tiah lo. Ihmansela acui Thlarau rori ni aantangsar in aan suah khawhlo tiangih a thuk tukmi thawpisuahnak rum a mam dil piak.
27 Culeh thinlung cekhlai tu Pathian ni cu Thlarau ih khuaruahnak cu a tiah, icatile Thlarau ni cu Pathian dawtzawng mangin mithiangpawl caah a dil piak hngai.
28 Pathian a daw tupawl, a tumtahnak mangih kawh a i tupawl caah cun thil hmawhhmawh hi Žhatnak caah an Žuan khat ti kan tiah.
29 Icatile unaurual sungah a Tiapa cu hrin-u a iknak dingah Pathian ni a tiahcia mi le cu a Tiapa ih hmuihmel keng dingin khaukhih khaw a khaukhih hngai.
30 Culeh a khaukhih mipawl cu a kawh khaw a ko hngai; culeh a kawh mipawl cu thiam khaw a cosak hngai; culeh thiam a cosak mi le cu sunloih khaw a sunloih hngai.
31 Ahi thilpawl thu ahhin itu sim lei ung maw? Pathian kan hemla ih a Žan ahcun ahu a ii a man ralsan zo tu?
32 Amah ih Tiapa rori hman zuah loin kan zate ca-ih a piak ahcun a pace izongza khaw a man pia thok lo hmen maw?
33 Pathian ih rilmi cu ahu ngai ni hilei sual a puh? Thiamcosak tu cu Pathian a ii hekhawh.
34 Ahu ii maw sualthu mi Žhen tu thok? A thi tu, cuhleiah thawhsak a i tu, Pathian vorhla san ih a om tu, kan caah a taktak in a dil tu cu Khrih Jesuh a ii hekhawh.
35 Khrih ih dawtnak hemin ahu ni hilei a man Žhen? Harsatnak, hartuarnak, hremnak, mangŽam, takpalawng-iknak, Žihphannak, ralreen ni maw?
36 “Na caah keimi cu
sun nihlawh thah kan ii;
thah thokmi tuu mangih
rel kan ii,” Ref 8:36 Saam 44:22
tiih nganmi mang a ii.
37 Ihlah, hi thil hmawhhmawh ahhin keimi cu a man dawtu thawngin nehsintu kan ii.
38 Icatile thihnak iseh, nunnak iseh, vanmipawl ii uh seh, uktupawl ii uh seh, atu ih thilpawl ii uh seh, a pha thokmi thilpawl ii uh seh, huhampawl ii uh seh,
39 a saannak iseh, a thuknak iseh, seemsuahmi sungih thil pace iseh, Jesuh Khrih kan Bawipa sungih Pathian man dawtnak hemin a man Žhen zo thok lo ti hi ka lung a fiang.\c 9
1 Khrih sungah thuhmaan ka sim – thulo ka sim lo; Thiang Thlarau thawngin ka siaŽha thleidannak ni acucu a Žhosak.
2 Ka thinlung sungah ngaihsiatnak hnempi leh a daithiam lomi thintiahnak ka ngei.
3 Icatile tiksa in ka suahpi, ka miphun caah hin kamah rori hi camkhaatmi leh Khrih hemin Žhenkhuaimi ii ningla ka daw.
4 Anmimi cu Israelmi an i kau, tiale cansaknak, sunlawinak, thukampawl, daan, biaknak, cun thutiampawl cu anmah ih ta an ii.
5 Pipule anmah ih ta an ii, cun anmah hemin tiksa iknak mangin cu Messiah, izongza parih Pathian cu anmah hemin a pha, amah cu kumkhua in thangŽhat i kau seh. Amen.
6 Pathian ih thu cu tlolh mang hmawh ee, tinak cu a i lo. Icatile Israelmi an zate Israel taktak an i lo,
7 cun Abraham ih hrinsar an zate a hrinsar taktak an i lo; ihmansela “Isaak thawngin a ii na citlaangpawl tiih rel an ik thok cu,”Ref 9:7 Seem(Gen)21:12 ti a ii.
8 Ahihi tiksala ih tianaupawl cu Pathian ih tianaupawl an i lo, thutiam ih tianaupawl zong cu citlaangpawl ah rel an ii, tican a ii.
9 Icatile thutiam ih simmi cu, “Ahi caan hrawngah ka kirŽhan thokih Sarah ni tiapa a ngei thok,”Ref 9:9 Seem(Gen)12:10 ti a ii.
10 Ahi hmawh hi iloin, Rebekka ni pumah pakhat kan pu Isaak thawngin tiale a pai hngai tikah acumang itumaw a parah a cang.
11 A suah hman an suah rih hlanah iseh, a Žha maw a sia maw itu thil an ti rih hlan hman ah (Pathian rilnak ih tumtahmi cu
12 thiltinak in iloin amah ih kawhnak in a pehzulh khawhnak dingah), “Upasawn ni nautasawn a rian thok,” Ref 9:12 Seem (Gen)25:23 tiah a hemah sim a ita.
13 “Jakob cu ka daw,
Esau zong cu ka hua,”Ref 9:13 Mal 1:2-3
tiih nganmi mang a ii.
14 Itu sim ti lei ung maw? Pathian lakam ah dinghman lonak a om he tur im? Naisai hlah ee!
15 Icatile Moses hemah,
“Veel ka ngeih dawtmi hemah
veel ka ngei thok,
cun phusahih ka dawt mi
ka phusahih thok,”Ref 9:15 Suah(Ex)33:19
tiah a ti.
16 Curuangah acucu minung dawtzawng maw, zumnak parah maw iloin velngeihnak a lansak tu Pathian par tu ah a Žhumtia.
17 Icatile Lai Thianghlim ni Faroh hemah, “Vulei cung hmawh ah ka min cu simthan a iknak ding, na sungih ka huham lansak ding tumtah hrimhrim caah ka tan tungmer rom,” Ref 9:17 Suah(Ex) 9:16*tiah a ti.
18 Cuticun a rilmi poh parah veel a ngei ih, a rilmi poh ih thinlung cu a hahsak.
19 Cu a ik ahcun nang ni, “Icaah hmen Pathian ni mi ih palhnak a hrawl rih duh? Icatile a dawtzawng cu ahu ni a al kho hmen?” tiah a ma ti thok.
20 Ihmansela, Pathian rum thu-altia dingah nang minung men cu ahu ngai na i hmen? Siamremmi ni maw a siamremtu cu, “Icaah maw ahitiin ama vuak?”Ref 9:20 Isa 29:16; 45:9 tiah a ti thok?
21 Amvuatu ni suntlung dil pakhat siksik in thil pakhat cu hman hleice awkah leh apace cu hman theihtheih awkah vua dingin suntlung parah thu a ngei lo hmen maw?
22 Pathian ni a thinsiatnak lansak ding leh a huham mi tiahsak ding dawin, siatsuah awkih vuakmi thinsiatnak tuar ding khukkhengpawl cu thinsaungai in in hngai sela hete in?
23 Culeh sunlawinak caah ahlaanin a tuahtim ciami, velngeihnak ca-ih a vuakmi khukhengpawl –
24 Judahpawl hem in ceu iloin Zentail-mipawl hemin khaw a kawh mi kanmahpawl telin – acupawl hemah a sunparnak ih len zia tiahsak dingah thil a ti ii sela teh itu kan sim thok hmen?
25 Hosea laibu sungih,
“Ka mipawl a ita lo tupawl cu
‘Ka mipawl’ tiah
ka ko hngai thok,
cun dawt a ita lo tu nu cu
‘dawtmi’ tiah ka ko thok.”Ref 9:25 Hos 1:10
26 “Cun, ‘Ka mipawl nan i lo’
tiin anmah hemih simnak
hmun rori ah ‘a nungmi
Pathian ih tiale’ tiih kawh
an i thok,”Ref 9:26 Hos 1:10
tiah a timi mang a ii.
27 Culeh Isaiah ni Israel thu ah, “Israel mipawl cu rili ih sahrai zet ita hman uh sela, anmah lakih a taangsun ceu run an i thok;
28 Icatile Bawipa ni vulei parah a thusahnak cu rangngai in leh a netnak in a Žuansuak thok,”Ref 9:27-28 Isa 10:22-23 tiah a au.
29 Cun Isaiah ni,
“Van ralkapbuurle ih
Bawipa ni citlangpawl
man zuahpiak hlah sela cu
Sodom mang tuak tain,
Gomorrah mangih vuak
ita hngen tur hu ee,”Ref 9:29 Isa 1:9
tiih a simli mang khi a ii.
30 Itu sim ti lei ung maw? Dingfelnak ca-ih a zuamtia lo tu Zentail-mipawl ni acui dingfelnak cu an ngah rom, acucu zumnak thawngin dingfelnak timi a ii.
31 Daan parih sirhsanmi dingfelnak ca-ih a zuamtia tu Israelpawl zong cu acui Daan kimsaknak laah an hluhsuah lo.
32 Ituruangah an hluhsuah lo hmen? Thiltinak parah hrambin sela mangin, zumnak parah hrambin in an zuam lo ruangah a ii. TuasikŽha lung cu tua an si,
33 “Zohhman uh, Zion ah
mipawl tua a sik sak tu thok
lung pakhat, anmah
a tausak hngai tu thok
lungpi pakhat ka toh,
culeh amah a rinsan tupoh cu
ningzah huahsak an i thok lo,”Ref 9:33 Isa 28:16
tiih nganmi mangin.