3
A ikle Judahmi ni itu cuanhleinak a ngei hmen? Iklole phawzimŽhawh ih manngeihnak cu itu a ii? A lam kip ah cuanghlei tuk ee. Icatile a pakhatnak ah Judahpawl cu Pathian ih awka kilkhawi torh an ii. Mihrekkhat zumtlaklo an ik ah teh itu a i cuang? An zumtlak lonak ni Pathian ih zumtlaknak a phiat thok hmen maw?
Phiat naisai hlah ee! Micang thulopuah an i kau nain,
“cuticun na awka in
thiamcosak na i thok,
culeh thuŽhennak ah
na hre thok,” Ref 3:4 Saam51:4
tiih nganmi mangin Pathian cu a hmaan zia lansak ii seh.
Ihmansela kan dingfel lonak ni Pathian dingfelnak Žhosak dingin a Žuan ahcun itu kan sim ti thok? Pathian cu adinghmanlo a ii maw? (Minung simdan in ka sim.) I naisai hlah ee! Icatile acutiin isela Pathian ni khawti in vuleipi thu a Žhen kho thok hmen? Ihmansela ka thulopuah thawngin Pathian ih thutaknak cu a sunparnak ding khopin a tamsaksin ahcun, ituruangah kei cu misual tiih thuŽhen ka i siksik hmen? Culeh ituruangah (mihrekkhat ni cu an sim tiin an man thangsiat hngai mangin), “ThilŽha suak dingah thilsia vua tuhmen le hu,” tiah kan ti lo? Misual tiih thuŽhen tlak an i hrim!
I taw ah khawti in hmen? Keimi hi kan Žha hleicuang maw? Òha hleicuang naisai hlah; icatile mi hmawhhmawh, Judahmi tilo Zentail-mi tilo, sual huham tangah an om tiah kan lanfiang sak rom.
10 A ngantiami:
“Midingfel a i mi ahuhman
an om lo, pakhat te hman;
11 tiahthiamnak a ngei tu
pakhat hman an om lo,
Pathian a hrawl tu
pakhat hman an om lo.
12 Mihmawhhmawh
an pial rom,
santlailo ah an cang khat rom;
thinlung Žhatnak lansak tu
an om lo,
pakhat te hman an om lo.”Ref 3:10-12 Saam 14:1-3; 53:1-3
13 “An hlah la cu a hongtiami
thlaanpawl an ii;
an leipawl cu mideuhnak ah
an hmang.”
“An hmur tangah sivaingei
rul ih thihsi a om.” Ref 3:13 Saam 5:9;140:3
14 “An kaapawl cu
camkhaatnak leh
aan kha in an khat.” Ref 3:14 Saam 10:7
15 “An ke cu thisan
suah dingah a rang;
16 an lampi ah rawhralnak leh
tetemnak an om,
17 remdaihnak lam khaw
an tiah lo.”Ref 3:15-17 Saam 59:7-8
18 “An mithmai ah Pathian
Žihzahnak a om lo,” Ref 3:18 Saam 36:1
timi mang a ii.
19 Atu cu Daan ih a simmi itukhaw, Daan tangih a om tupawl caah a simih, acucu kaa cangte ciipsak ii in, vulei punpuluk hi Pathian hmaiah mimawh ti an iknak dingah a ii ti kan tiah. 20 Curuangah, daan ih thupiakmi zulhnak thawngin minung ahuhman a hmaiah thiamcosak an i thok lo, icatile sual a ii ti tiahnak cu Daan thawngin a pha.
21 Ihmansela atu ahcun Pathian ih dingfelnak cu Daan telloin phuanlan a i romih Daan leh profetpawl ih tiahpimi a ii. 22 Pathian dingfelnak cu Jesuh Khrih zumnak thawngin a zumtu hmawhhmawh caah a ii. Icatile thleidannak a om lo. 23 Mizate an sual romih Pathian sunparnak an co ban lo ruangah; 24 atu cu Khrih Jesuh sungih ommi tlannak thawngin a velngeihnak ih zar ah midingfel a iksak hngai, acucu Žhentlawi a ii. 25 Amah cu a thisan thawngin sualthlahnak, zumnak ruangih hmuarngeimi ca-ih raihrik dingmi ah Pathian ni a sia. Ahi a ti hi a dingfelnak lansak dingah a ii; icatile Pathian ni a thinsaunak in hihlan ih vuaktakmi sualnakpawl cu a lon piak hngai. 26 Acucu atu ahhin amah cu a dingfelih, Jesuh a zum tu cu midingfel ah a sia ti lansak dingah a ii. 27 Cu a ik ah porhtiaknak teh itu cang tia hmen? Telh a i ti lo tang. Itu daan in maw? Thiltinak in maw? I hlah, zumnak ih daan tu in a ii. 28 Icatile mi pakhat cu Daan ih simmi thiltinak tello zumnak thawngin midingfel ah siah a ii tiin kan tlaihtia. 29 Iklole Pathian cu Judahpawl in Pathian ceu maw a ik? Zentail-mipawl ih Pathian teh a i ve lo maw? Ii ee, Zentail-mipawl ih Pathian khaw a i ve, 30 icatile Pathian cu pakhat a ii; culeh phawzimŽhawhmi cu an zumnak parah leh phawzimŽhawh lomi khaw acui zumnak siksik parah midingfel ah a sia thok. 31 Cu a ik ah, ahi zumnak thawngin Daan cu kan zam hmen maw? Naisai hlah ee! Daan tu kan Žhosak hoi hemawtiah.