1 Kenkhria pawlpi ih dekonnote 16:1 Mirang deacon hi a leh a laklawh ruangah Lai aan ah kan cansakcih, Pawlpi upa ti thok tikah Upa hruaitiakdan hmang kan i sei lo. a imi kan tarnu Fibi hi miŽha a ii tiin nan hemah ka simŽha, 2 acucu mithiangpawl ca-ih thilmawi a ik mangin Bawipa ahcun nan cosankhawh nak ding, culeh nanmah a tan Žul hngai men khawhnak itupoh ah nan bon nak dingah a ii. Icatile amah hi mitlungpi caah leh kamah hrimhrim caah khaw Žhatnak vuatu a ii. 3 Priskanote 16:3 A Grik min cu Prisilla a ii. leh Aquila, Khrih Jesuh sungih kamah rum rianŽuan khat tupawl cu dobia+Mah hemih miphatu dolain biala tinak a ii. uh. 4 Ka nunnak caah an hngawng Žhawh a ngam tu an ii ih, anmah hem ceu ah iloin, Zentail pawlpi hmawhhmawh hemah khaw lungawithu ka sim. 5 An inn ih a puuntiami pawlpi khaw dobia uh. Asia ah Khrih la ih lungthleng peitleng tu, ka dawtngaimi Epenetas khi dobia uh. 6 Nan lakih tiakpi in rian a Žuantu Mari khi dobia uh. 7 Ka Judah phunpi Andronikas leh ka thawngtlakpi Junia, cu dobia uh, anmimi cu tirhthlahle lakah mi thupi ngai an ii, culeh kei hlanah Khrih an zum peita. 8 Bawipa sungah ka dawtngaimi Ampliatas cu dobia uh. 9 Khrih sungih ka rianŽuanpi Urbanas leh ka dawtngaimi Stakhis cu dobia hngai uh. 10 Khrih sungah hniksakin ahman tiih tiahmi Apelles cu dobia uh. Aristobulas ih innsang a imipawl cu dobia hngai uh. 11 Ka Judah phunpi Herodion cu dobia uh. Narsissas innsang ah a telmi, Bawipa sungih om tupawl cu dobia uh. 12 Bawipa rian a Žuantu Òraifena leh Òraifosa cu dobia uh. Bawipa ih rian tiakpi in a Žuantu ka dawtngaimi Persis cu dobia uh. 13 Bawipa ni amah ca dingah a rilmi Rufas leh a nu – kamah caah khaw nu a i ve mi – cu dobia uh. 14 Asinkhritas, Flegon, Hermes, Patrobas, Hermas leh anmah rum a omtu unaupawl cu dobia uh. 15 Filogas, Julia, Nereus leh a tarnu, cun Olimpas, cun anmah rum a omtu an zate cu dobia uh. 16 Athianghlimmi hnamnak rum pakhat leh pakhat tuakbiatia uh. Khrih ih pawlpi hmawhhmawh ni an tan sawnbia.

17 Ulenau hngai, nan zir rommi thuzirhnak alkalhin ŽhenŽhehnak leh pialsualnak suahsak tupawl cu ralringin zoh langlang dingah leh hrel dingah ka tan torh hngai. 18 Icatile acumang minungle ni cu kan Bawi Khrih an rian lo, anmah ih punpi tu an rian. Culeh aan naal leh miporhnak in ruahnaktlawm mipawl cu an deu hngai. 19 Icatile nan thuzulhnak cu mizate tiahmi a ik ruangah nan parah ka lung a awi, ihmansela a Žhami ahcun miting ii in a siami ahcun sualnakngeilo nan ik ding ka daw. 20 Remdaihnak Pathian ni ihlet hlanah Satan cu nan ke tangah a rialmaan leh thok. Kan Bawi Jesuh Khrih ih veel cu nan hemah om kau seh. 21 Ka rianŽuanpi Timote ni a tan sawnbia hngai; ka Judah phunpi Lusias, Jason leh Sosipater ni khaw an tan sawnbia hngai ve. 22 Hi laikuat a ngantu kei Tertias ni khaw Bawipa sungah ka tan sawnbia hngai ve. 23 Kamah leh pawlpi punpuluk a man inntektu Gaius ni a tan sawnbia hngai. Khualipi tangkakiltu Erastas leh kan unaupa Kuartas ni an tan sawnbia hngai. 24 Kan Bawipa Jesuh Khrih ih veel cu nan zate hemah om kau seh. Amen.

25 Atu cu, kan Thuthang Òha ih a ti mangin nan tha a tan Žhawngsak hngai kho tu Pathian hemah sunparnak zate om kau seh. Acui Jesuh Khrih thuhla thuthang ni nangmi Zentail-mipawl ca-ih a khuakhangnak cu a phuanglang rom, acui khuakhangnak cu caan thawhkehnak in thawh in a thup ih siahmi a ii. 26 Ihmansela atu ahcun kumkhua Pathian ih thupiak mangin profetpawl ih simcia mang cui thuthang cu hmuncang ih Zentail-mipawl zate hemah an zum ve ih a thu an zulh nak dingah tiahsak a ii. 27 Amah ceu a tingmi Pathian hemah Jesuh Khrih thawngin a kumkhua sunparnak zate om kau seh. Amen.