15
1 Keimi zumnakla ih midik a i mipawl ni kanmah leh kanmah lungawiin vuatia loin, a ŽawnŽai mipawl ih tlolhnakpawl cu kan in awk a ii.
2 Pakhat vek ni kan innkiang sakŽho nak ding tumtahnak Žha caah an lungawisak thok kan ii.
3 Icatile Khrih cu amah leh amah a lungawi in a vuatia lo. “A tan hmuhsit tupawl ih hmuhsitnak cu kamah parah an tla rom,”Ref 15:3 Saam69:9 tiih nganmi mangin a ii.
4 Lai Thianghlim ih thinsaunak leh thupiaknak thawngin ruahsannak kan ngeih nak dingah hmalio ih ngan takmi itupoh kanmah zirhnak caah ngan tak a ii.
5 Thinsaunak leh thapiaknak Pathian ni pakhat leh pakhat remrualin, Khrih ih dawt mangin om dingah tan bawn hram uh seh,
6 cuticun kan Bawi Jesuh Khrih ih Pathian leh Pa cu hmunkhatah aw pakhat in nan thangŽhat kho thok.
7 Curuangah Khrih ni a tan cosan hngai mangin, Pathian sunparnak caah pakhat leh pakhat cosang tia uh.
8 Icatile Khrih ni Pathian ih thutak can-ai ah phawzimŽhawhmi ih tungsau ah a can cu hringsartule hemih piakmi thutiampawl a Žhosak khawhnak dingah,
9 culeh Zentail-mipawl ni Pathian cu a velngeihnak caah an sunparsak nak dingah a ii ti ka tan sim hngai.
“Curuangah Zentail-mipawl
hmaiah ka tan thangŽhat thok,
culeh na min thangŽhatnakpawl
hla ah ka sa hngai thok”;Ref 15:9 2Sam 22:50; Saam 18:49
10 culeh,
“Maw Zentail-mipawlhngai,
a mipawl rum nan thanuam uh,”Ref 15:10 Daan(Deu)32:43
tiah a ti Žhan.
11 culeh,
“Bawipa cu thangŽhat uh,
nangmi Zentail hmawhhmawh,
cun mi hmawhhmawh ni
amah cu thangŽhat uh seh,”Ref 15:11 Saam 117:1
tiah a ti sei.
12 Culeh Isaiah ni,
“Jesse ih hrinsar a pha thok,
Zentail-mipawl uk hngai
dingih a tho tu thok cu;
amah cu Zentail-mipawl ni
an ruahsan thok, tiah a ti,”Ref 15:12 Isa 11:10
tiih nganmi mangin a ii.
13 Nan zumnak ahhin ruahsannak Pathian ni lungawinak leh remdaihnak hmawhhmawh rum tan khahsak hram uh seh, cuticun Thiang Thlarau huham thawngin ruahsannak in a luangliam taw cu.
14 Ka ulenauhngai, nanmah hrimhrim hi Žhatnak, thutiahnak hmawhhmawh rum nan khatih, pakhat leh pakhat nan zirhtia kho tiin kamah hrimhrim ni ka tan lunglum hngai.
15 Thuhla hrekkhat zong cu tan pherphuak hngai dingah ralŽhangai in ka ngaan, icatile
16 Zentail-mipawl cu dotla, Thiang Thlarau ih thiansakmi dinhmun in Pathian hem ih ap hngai dingah, Pathian thuthangŽha simphuan hi tlangbawi phun in Žuanih Zentail-mipawl hemah Khrih Jesuh riantu i dingin Pathian ni velngeihnak a ma piak ruangah a ii.
17 Khrih Jesuh sungah hin, Pathian ca-ih ka Žuanmi hi porhtiak nak ding a ruang ka ngei.
18 Icatile Khrih ni kamah thawngin Zentail-mipawl cu thuzulmi i dingah, thu leh thiltinak thawngin,
19 hmuhsaknakpawl leh donharŽhapawl thawngin, Pathian Thlarau ih huham thawngin a Žuan uh mi, curuangah Jerusalem in thawh in Illirikum note 15:19 Dalmatia tiin khaw an ko. hrial tiangtiang Khrih ih thuthangŽha cu tlamtlingte in kan simphuang rom, timi simlo ituhman sim ding ka ngam thok lo.
20 Cuticun mi pakhatkhat ni hram a dinmi parih ka sak lonak dingah thuthangŽha cu Khrih ih min an zak cia lonak hmun ah simphuan ding hi ka tintahmi ah ka vua,
21 “Amah ih thuhla sim a i
thah lo tupawl ni an hmu thok,
culeh amah ih thuhla a za
thah lo tupawl ni
an tiahthiam thok,” Ref 15:21 Isa 52:15
tiih nganmi mangin zong a ii.
22 Ahihi nan hem pha lo dingih donkham ka ik ŽiuŽeu nak thu cu a ii.
23 Atu zong ahcun hi hmunram ahhin ka ca-ih hmun a om beeng ti lo rum, kum tlungpi sung ka hiar rom mangin,
24 Spain ram ka tah tikih nanmah hem phat ding cu ka hiar. Icatile ka tlon thah ah tan hmu hngai dingin leh, nanmah rum cangkhatte sung kan nomtiak duau hnukin, nanmah ih ma thlah peh ding ka ruahsan.
25 Atufang zong ahcun mithiangpawl rian hngai dingin Jerusalem ah ka that thok;
26 icatile Masidonia peng leh Akhaia peng ni cu Jerusalem ih mithiangle lakih mifarahpawl hemih an ngeihsiah hlawm dingah an lung a awi.
27 Ahi Žuan hi nuam an ti, angaingai ahcun an baang ngai; icatile Zentail-mipawl ni Judahpawl ih thlaraula thluasuahpawl an Žom ahcun, anmimi ni thilrila in Judahpawl ca-ih rianŽuantu i ve mawi an ii.
28 Curuangah, ahihi ka Žuan uh tikah leh khuantiakmi an hemih kan piak hngai tikah, nanmah tan palpah hngai in, Spain ram ah ka tat thok.
29 Culeh nanmah hem ka phat tikah cun Khrih hemin thluasuahnak tlamtling rum ka pha thok ti ka tiah.
30-31 Ulenau hngai, Pathian hemah kamah caah thintakin thla ma cam pi dingah kan Bawi Jesuh Khrih leh Thlarau ih dawtnak thawngin ka tan ngeen hngai. Judea peng ih zumlotupawl hemin ka luat ngah khawhnak ding, cun Jerusalem ah bonnak ka phurhmi cu mithiangpawl caah cosantlak a ik khawhnak ding,
32 cuticun Pathian ih dawtzawng in nan hemah lungawinak rum ka phat khawhnak ding leh nanmah rum bualtlon khatnak in ka tha tlunsakŽhan a iknak dingah thlacam uh.
33 Remdaihnak Pathian cu nan zate hemah om kau seh. Amen.