14
1 Zumnak ah a ŽawnŽai mipawl cu cosang uh, hmuhdan parih bawhtiak tumtah ah zong i hlah seh.
2 Mihrekkhat ni itukhaw awk a ngah tiin an zum, a ŽawnŽaimi ni cu hanghnah hangvuang ceu an aw.
3 A aw tupawl ni a suptia tupawl nautat thok a i lo, cun a suptia tupawl ni a aw tupawl parah siat vathlaih thok a i lo; icatile Pathian ni a cosang hngai.
4 Mi pakhat ih hemompawl parih thurel dingah nang cu ahu na i hmen? An din leh an ngalh cu an bawipa ih thuthu a ii. Anmimi cu dohkam an i kau thok, icatile Bawipa cu diing in a vua hngai kho tu a ii.
5 Mihrekkhat ni, ni zate hi a sakhat tiah thu an Žhen lio ah mihrekkhat ni cu ni khat hi ni pace vanin a Žhadeuh kau thok tiin thu an Žhen.
6 Mi hmawhhmawh cu an thinlung ah fiang ngah tia vek uh seh.
7 Kanmah caah kan nung lo, cun kanmah caah kan thi lo.
8 Kan nun ahcun Bawipa caah kan nungih kan thih ahcun Bawipa caah kan thi; kan nun ah iseh, kan thih ah iseh, Bawipa ih ta kan ii.
9 Icatile ahi tumtah ah kovawh Khrih cu mithi leh minung an phunhnih ih Bawipa a ik khawhnak dingah a thih leh a nunŽhan nak cu.
10 Ituruangah a ii na unau parih thu na va rel? Iklole nang, ituruangah a ii na unau cu na nautat? Icatile kan zate hi Pathian ih thuŽhennak toŽhiang hmaiah kan diing leh thok.
11 Icatile,
“Ka nun mangin, ka hmaiah
micang an khuk an bil thok,
culeh mikip ih lei cu
Pathian an thangŽhat thok,”Ref 14:11 Isa 45:23
tiah ngan a ii.
12 Curuangah pakhat vek hi Pathian hmaiah kan ikning sim thok kan ii.
13 Curuangah pakhat leh pakhat parah thurel piak tia ti hlah le hu, acu vanin cu unau ih rakalai ah tuasikawk maw, dawnkhamtu maw khawcanghmanah sia lo dingin relcattia sawn le hu.
14 Ituhman amahte ahcun a thiang lomi an i lo ti hi Bawi Jesuh sungah kan tiah ih kan lung a fiang; a thianglo tiih a ruattu pakhatkhat ca zong ahcun a thiang lo tang.
15 Na unau cu na awkmi ruangih a thin a tiak a ik ahcun dawtnak sungih a vaktat mi na i ti lo. Khrih ni a thihhnawhmi mi pakhat cu na awkmi ni a rawhralnak suahsak hlah seh.
16 Curuangah na Žhatnak cu siatnak tiin sim i hlah seh.
17 Icatile Pathian uknak cu caw le tii a i lo ih Thlarau sungah dingfelnak leh remdaihnak leh lungawinak tu a ii.
18 Acutiin Khrih a riantu cu Pathian hemah cosantlak a ii ih minung ih lungkimpinak khaw a ngah.
19 Cuticun remdaihnak suahsaktu leh pakhat leh pakhat sakŽhotiaknak caah zuam le hu.
20 Pathian ih rianŽuanmi cu caw ruangah rawk hlah uh. Izongza a thianghlim ngaingai kau, ihmansela na awkmi thawngin mipace na tautiak sak hngai ahcun na caah a hmaan lo.
21 Na unau a tau saktu ding sa awk iseh, zu din iseh, itu thil tii iseh, a Žha lo.
22 Na ngeihtiakmi zumnak cu Pathian hmaika ah namahte ih lungfiangnak in ngeihtia kau. Ahman ti tiah in an lungkimmi ruangah anmah leh anmah sualthu Žhentiak nak ding a ruang a ngei lo tu cu mithluasuak an ii.
23 Zumhrot lonak a ngei tupawl zong cu an awk tikah sualthuŽhen an ii; icatile zumnak in a vasuak lomi itupoh cu sualnak a ii.