SAAM 97
Pathian Uknak ih Sunlawinak
1 Bawipa cu siangpahrang a ii!
Vulei a lungawi seh;
tikulh tlungpi cu ngetia uh seh!
2 Meicipawl leh khuamaw sahpi cu
a velkimah an om;
dingfelnak leh thulairelnak cu
a toŽhiang hrambinnak an ii.
3 A hmaiah mei a tat,
cun a velkim ih a doralle
a kaang hngai.
4 A nimtlapawl ni vuleipi
an tlet;
vulei ni a hmu ih a dok-aw.
5 Bawipa hmaiah tlangpawl cu
khuailul mangin an tli,
vulei punpuluk ih Bawipa
hmaika ahcun.
6 Vanpawl ni a dingfelnak
an simphuang;
cun mi zate ni a sunparnak
an dimngah.
7 Mepapawl a biatu an zate in
ningzah huahsak an ii,
santlailo an mepapawl
porhtiaknak ih a hmang tule cu;
khuazing hmawhhmawh cu
a hmaiah an kum.
8 Maw Pathian, na thuŽhenpawl
Zion ni a za ih a ngetia,
cun Judah khuapawl an lung a awi.
9 Icatile Bawipa, nang cu
vulei punpuluk cungah
na sangtleng;
khuazing zate ih cungla pi ah
10 ThilŽhalo a hua tupawl cu
Bawipa ni a daw hngai;
a mirinsanle ih nunnak cu
a hupsong hngai;
mihrokhrawlle ih kut in
a rung hngai.
11 Midingfel caah tleunak,
cun thinlung ah
adinghmanmi caah,
lungawinak a tlaang.
12 Nangmi midingfelle,
Bawipa ah lungawi uh,
cun a min thianghlim cu
lungawithu sim uh!