SAAM 86
Ralle Ralsanin Ngennak
David ih Thlacam
Maw Bawipa, na naa ma tun,
cun ma let hram,
icatile kei cu mifarah leh
misambau ka ii.
Ka nunnak hi himte in
sia hram,
icatile namah ah punpiatia
mi ka ii;
a tan rinsan tu na tungsau hi
rung hram.
Nang cu ka Pathian na ii;
 
ka parah velngei hram,
maw Bawipa,
icatile na hemah
sunnikahlawh in ka au.
Na tungsau ih nunkhua hi
ngetia in vua hram,
icatile ka nunkhua hi
na hemah ka han hlir.
Icatile maw Bawipa,
nang cu na Žha ih
mingaidamkho na ii,
na min a tan ko tu zate parah
ahmunmi dawtnak in
na lian.
 
Maw Bawipa, ka thlacam hi
na naa ma tun hram;
naktiah ngeenih ka thlacam hi
ma ngai hram.
Ka harsat nikhua ahkhin
namah ka tan ko,
icatile nang ni ama let thok.
 
Maw Bawipa, khuazingle lakah
nang mang ahuhman
an om lo.
Na omsakmi miphunpawl cu
an suak thok,
cun maw Bawipa, na hmaiah
an kuum thok,
cun na min an sunparsak thok.
10 Icatile nang cu na nasa ih
donharŽha thilpawl
na vua hngai;
namah ceu hi Pathian na ii.
 
11 Maw Bawipa, na lampawl
ma zirh hngai hram,
na thutak zulin a vak taw ing;
kaaŽeek lomi thinlung
ma pia hram,
na min a upat taw ing.
12 Maw Bawipa ka Pathian,
ka thinlung zate in
lungawithu ka tan sim,
cun a tlaitluan in na min
ka sunparsak thok.
13 Icatile ahmunmi
na dawtnak cu
ka parah hin a nasa hringhran;
nang ni ka nunkhua cu
Sheol ih a thuknang khin
na rungsuak rom.
14 Maw Pathian, mizumtiale
ma ralsanin an tho;
miŽhalo buur khat ni ma thah
an khaitia,
cun namah ihmanih tan rello
tupawl an ii.
15 Ihmansela, maw Bawipa,
nang cu velngei leh
naktiahthiam Pathian,
hehhar atuungmi leh ahmunmi
dawtnak leh rinsantlaknak in
a khat mi na ii.
16 Ka ran laah mertia la
ka parah velngei hram;
na thazaang hi na tungsau
pia hram;
na tungsau nu ih tiapa hi
rung hram.
17 Na mithmaiŽha minhlinnak
ma hmuh hram;
cuticun, Bawipa, nang ni
ama bon leh
ama hnem ruangah
ama hua tupawl ni acucu
hmuin ningzah
a huat taw uh.