SAAM 83
Israel ih Ralle ThuŽhen Hngai
Asaf ih Hla
1 Maw Pathian, daite in om
men sawh hlah;
maw Pathian, awn-ang loin,
daiziarin om hram hlah!
2 Atu hman ah na ralle cu
an buairialrial;
namah a tan huatule cu
an lu an tung.
3 Na mipawl ralsanin,
thu an phiar thup, q1 na huhsonmipawl ralsanin
thu an rontia.
4 “Suak uh law, Israel hi
ram pakhat iknak in
phiat le hu;
Israel timi min hi cinken
i ti hlah seh,”
5 Lungrualin thu an phiar;
namah ralsanin
thukam an vua—
6 Edom-mipawl, Ishmael-mipawl,
Moab-mipawl, Hagar-mipawl,
7 Gebal-mipawl, Ammon-mipawl,
Filistia-mipawl, Taiar ram ih
om tule an Žang khat.
8 Assyria ni khaw a telpi hngai;
anmimi cu Lot ih
tianaule caah
9 Midianmi parih na thiltidan
mangin an parah ti hngai,
Wadi Kishon Tipi ah Sisera leh
Jabin parih na ti mangin.
10 Anmimi cu Endor ah
siatsuah an ii ih
vulei caah nawn ah
an cangtia,
11 An miruathaile cu Oreb leh
Zeeb mangin,
an mi uktule cu Zehah leh
Zalmunna mangin,
vua hngai.
12 Icatile, “Pathian ih
sumpilpawl hi
kanmah ngeihtiak dingah
lattia le hu,” tiah an ti.
13 Maw ka Pathian, anmimi cu
phusiing ih ngerhmi
vutning mang,
huih hmaka ih cawheeng
mangin vua hngai law.
14 Mei ni tupi a kan mangin,
meilei ni tlangpawl
hlioin a vuak hngai mangin,
15 Vuihnur huihpi in
dawi hngai la,
na huihsiapi in Žhih hngai.
16 An mithmai cu ningzahnak
rum khah sak hngai,
cuticun maw Bawipa,
na min a hrawl taw uh.
17 A tlaituan an ningzakin
an thinnau uh seh;
mualpho in thi uh seh.
18 A min Bawipa a imi
nang ceu hi,
vulei cung zate ahhin
Sang Tleng na ik
tiah uh seh.