SAAM 81
Lungruh Israel hemah Pathian ih Naktiahdilnak
Hlarem Hruaitu hemah: Asaf ih Hla
Puai ca ih Hla
Tumthil (Awnmawi) rum sak thok
Kan Thazaang Pathian cu
lungawinak hla
dakpi in sak uh;
Jakob Pathian cu lungawi in
heh uh.
Hla han thawh hnik uh
cawm tum thang seh,
tingtang leh tingriset
awmawi rum.
Thlapa lang thar caan ah
tawtawrawt tum uh,
thla Žhim caan ah. kan puai
caan ah.
Icatile acucu Israel caah
daan pakhat a ii,
Jakob Pathian ih thucah
pakhat a ii.
Izipt ram do dingin
a tah tikah,
Josef caah thupiak in
a vua.
 
Ka tiah thah lomi aw
pakhat ni:
“Nan liang parih phurhrit cu
ka tan sawng hngai rom;
nan kutpawl cu kho putnak in
ka luatsak hngai rom.
Thinharnak sungin ama ko hngai,
culeh ka tan rungsuak hngai;
khuari thuhtiaknak meici
nakpipi lakin ka tan let hngai.
Meribah cirh ah
ka tan hniksak hngai.
“Maw ka mipawl, nun ka tan
sim hngai lio ah
ngai hnik uh;
maw Israel, ka thu ceu
ma ngai uh la maw!
Ramdangmi ih khuazing
hrimhrim nan lakah
om thok a i lo;
ramdangmi khuazing hmaiah
nan kum thok lo.
10 Kei hi Izipt ram in a tan
hruaisuak hngai tu
Bawipa nan Pathian ka ii;
nan kaa kaupi ang uh la
khatkau in ka vua thok.
 
11 “Ihmansela ka mipawl ni cu
ka aw an ngaih duh lo;
Israel ni ka thu in nun cu
a dawt duh lo.
12 Curuangah a ruhmi
an thinlungpawl laah,
anmah ih ruahnak piakmi
zul dingah khin
ka thlahthlam hngai.
13 Ka mipawl ni ka thu
ma ngai uh sela maw!
Israel ni ka thudawt mangin
nungcang sela maw!
14 Rangngai in an ralle
neh piak hngai in,
anmah dotule cu hrem hngai
hngen tur ing.
15 Bawipa a hua tule cu
a hmaiah thir leh
phangin an kum thok;
an hremnak cu
tlaitluan a nguh thok.
16 Nangmi zong cu sangvut
Žhatleng rum
ka tan cawm hngai thok,
lung lak khuailuati rum
ka tan diriamsak hngai thok,”
a timi ka za.