SAAM 78
Israel ih Lungawi-thiam lonak
Asaf ih Hla
1 Maw ka milehngai, ka zirhnak
ngai hnik uh la,
ka kaa ih aanmipawl nan naa
tun hnik uh.
2 ThuŽhim hmangin ka sim thok;
hlanlio ih thucantiakpawl
ka ang hngai thok,
3 kan zak rommi leh kan tiah
rommi thilpawl,
kan pipule ni aman sim
rommi thupawl cu.
4 An tiale hemin kan thup
thok lo;
a suak thokmi san ah
Bawipa ih
a sunglawimi thiltipawl leh
a dihnak,
cun a vuak takmi donharŽhapawl
5 Jakob hemah a thupiak a suah,
cun a cithlah Israel hemah
daan a pia hngai,
acucu, kan pipule hemah
an tiale zirh dingin
thu a piak hngai mi a ii.
6 San neta, a suak rih lomi
tianaupawl ni an tiah ih,
anmah ih tiale hemih an sim
nak dingah a ii.
7 Cuticun an ruahsannak cu
Pathian ah siain,
cun Pathian ih Žuanmipawl
palhtia loin,
a thupiakpawl zul sawn dingah;
8 cun anmimi cu milungruh leh
ralthawhhmang,
thinlung Žhorep lo leh
Pathian parah rinsantlak lomi
an pipule mang
9 Li leh thal rum a thuamtiami
Efraim mipawl cu
raldohtiak nikhua ahcun
dungkir in an zuang.
10 Pathian ih thukam an zul lo,
amah ih daan mangih
nuncan khaw an al.
11 Thil a ti tak rommi leh
anmah a hmuh hngaimi
donharŽhapawl an palhtia.
12 Izipt ram sungih Zoan
hmunrawn ahcun
an pipule ih hmuhhngan ah
donharŽhapawl a vua hngai.
13 Rili Žhenin lam a vuak
hngai ih acunang cun
a tan sak hngai,
tipawl cu kham mangin
a diinsak hngai.
14 Sun ah meici in, zanvarte
meitle in a hruai hngai.
15 RamŽhing ih lungpipawl
a khuai hngai,
rili ti mang ti din awk
duhdimin a pia hngai.
16 Lungpi sungin cirhti luang
a suah sak hngai,
cun tipawl cu tipi mangin
17 A i nakauin amah parah
an sual hlehhlo rih,
ramcar ah Sang Tleng parah
ral an tho.
18 An duh liang lomi caw
ngeenin Pathian cu
an thinlung in an hniksak.
19 “RamŽhing ahhin Pathian ni
cabuai pharin caw
man hlun kho nala im?
20 Lungpi a thawi ih tii putin
tiluanghiamho mangin
an luangliam nain,
a mipawl caah hin caw
man pia zoin
sa man thlak zo ve nala im?”
tiah Pathian ralsanin
21 Curuangah Bawipa ni
a zak tikah cun
thinkannak in a khat;
Jakob parah a thinsiatnak
mei cu a tum,
a hrinsar Israelpawl parah
a hehharnak a kai.
22 Pathian parah zumnak
an ngei lo,
cun a mirunkhawhnak huham
an rinsan taak lo ruangah.
23 Cuhmanah cungla vanpawl
thu a pia hngai,
cun van sangkapawl
a hong hngai;
24 an awk dingah khin manna
a zon zuk sak,
vancung thlaici a pia hngai.
25 Athikhomi le ni vanmile ih
caw an aw,
caw tam liangluang in
a zon thlak hngai.
26 Vancungpawl ah khin
nisuahnakla huih
a tlawh sak,
cun a huham in thlangla ih
huih cu a hruaita;
27 an hemah sa cu vutning
zet in,
thlangei vapawl cu rili kap
siatnel zet in
a zon zuk sak;
28 an riahhmun sungih
an puanthlaampawl
velkim zate ah a tlak sak.
29 Culeh an aw ih Žhate in
an khim kau,
icatile an mai liang lomi cu
a pia hngai.
30 Ihmansela an duhliang lonak
an diriamsak man hlan,
an kaa sungih caw om lio ah
31 Pathian hehharnak cu
an parah a tho ih
an midiktleng a that hngai,
cun Israel parpekpawl
a zon hlum hngai.
32 Ahi hmawh hmanah hin
an sual rih siksik;
a donharŽhapawl an zum
duh cuang lo.
33 Curuangah an nii cu
thaw mangin,
cun an kumpawl cu
misisaraw sungah hma in
a vua hngai.
34 A thah hngai tikah cun
amah an hrawl Žung;
an sual rimin Pathian cu
thintakin an hrawl.
35 Pathian cu an lungpi,
Sang Tleng Pathian cu
an tlangtu a ik an mang.
36 Ihmansela an kaa in
an porh;
an lei in amah an deu.
37 An thinlung cu amah laah
a hmun lo;
a thukam parah an fel lo.
38 Cuhmanah ani cu phusahihngei
a ik ruangah,
an Žhat lonak a ngaidam hngai ih
a siatsuah hngai lo;
a hehharnak a sup ŽiuŽeu,
cun a thinsiatnak zate
a thawhsak lo.
39 Anmimi cu tiksa ceu,
a liamih a kirŽhan ti lo mi
huih men an ik a cingkeng.
40 RamŽhing ah ii tlukin
a parah ral an tho,
cun ramcar ah a ngaih
an siatsak, ŽiuŽeu?
41 Atu leh atu Pathian cu
an hniksak,
cun ih Israel ih Mi Thiang cu
a thinkaangin an vua.
42-43 A huham iseh, Izipt ah
hmuhsaknakpawl,
Zoan hmunrawn ah
a donharŽhapawl a lansak ih
an ral kut in anmah
a tlan hngai nii iseh,
an thinlung ah an siahtia lo.
44 An din thiam lo dingah
an thlawngpawl leh
an tipipawl cu thisan ah
a can sak hngai.
45 An karlak ahcun anmah
a phil hngai tu
selep maak pipi,
anmah a siatsuah hngai tu
uŽawkpawl a thlah hngai.
46 An thlaikungpawl cu rulnu,
cun an Žuanmi ih vuang cu
thlabawk, a pia hngai.
47 An sabit ruangpawl cu rial in,
cun an theikungpawl cu vur in
a siatsuah hngai.
48 An cawpe run cu rial hemah,
an tuurunpawl cu Žeekpawl
hemah a pia hngai.
49 An parah cun ŽihŽhami
a hehharnak, thinsiatnak,
thinsonak, cun thinharnak timi
siatsuahtu vanmi rual
a thlah hngai.
50 A hehharnak caah lam
a sial tia;
thihnak in a zuah hngai lo,
pulh in a thihsak hngai.
51 Izipt ram innsang ih tiapa
upatleng a that hngai remro,
Ham ih puanthlampawl sungih
52 Cuhnukah a mipawl cu tuu
mangin a hruaisuak hngai,
cun ramŽhing ah tuurun mangin
lam a hruai hngai.
53 Himte in a hruai hngai,
curuangah an Žihphang lo;
ihmansela an ralle cu rili
tii ni a khum hngai.
54 Culeh a ram thianghlim,
A vorhla kut in anehmi
tlang ahcun a phatpi hngai.
55 An hmaiah miphunpawl cu
a Žhawl hngai,
ram cu an cotiak dingah khin
tlinhngal in a zem hngai,
Israel hrinpawl cu anmah ih
puanthlampawl sungah
omhmun a khuar sak hngai.
56 Cuhmanah Sang Tleng Pathian
Pathian cu an hniksak,
cun amah ralsanin ral an tho.
A thusuah pawl an zul lo,
57 an pipule mangin an mertia ih
rinsantlaklo an ii;
li kawi in kahmi thal mangin
rinsantlaklo an ii.
58 Icatile pathian pace biaknak
hmunpawl ruangah
a hehhar dingin a thin an tok;
an meipapawl ruangah
mihaal ngeiin an vua.
59 Pathian ni a zak tikah
thinsiatnak in a khat,
culeh Israel cu a hnong pun.
60 Shiloh ih a khuasaknak,
minungpawl lakih omhmun
a khuarnak puanthlam cu
a mata,
61 cun a huham cu ralpontak
i dingah,
a sunparnak cu ral kut ah
a ap ta hngai.
62 A mipawl ralreen in
a thihsak hngai,
cun a rorah parah khin
a thinsiat a phorhsuak.
63 An tlangvalle cu mei ni
a siatsuah hngai,
an lengtiale cu pumahngeih
hla an ngeihtia lo.
64 An tlangbawile cu ralreen
ih thah an tuak,
an nupile ni Žah hla an sak lo.
65 Cutikah Bawipa cu metnak in
a han Žhangtia,
zu ruangah a kuirak mi
raldohthiam mangin.
66 A doralle cu a rawt hngai;
mualpho thluangthluan in
a vua hngai.
67 Josef ih puathlam cu a hnong,
Efraim hrin cu a ril lo;
68 Judah hrin zong cu a ril,
Zion Tlang, a dawtmi cu.
69 A hmunthiang cu asaangmi
vanpawl mangin,
tlaitluan Žho leh nguh dingih
hram a binmi vulei
70-71 A mi Jakob ih hrinsarle,
a rorah a miphun
Israel khaaltu dingah a tungsau
David a ril,
a tuukawm in leh tuupinule
a khalhnak in a ko ta.
72 Thinlung dinghman rum
a khaal hngai,
a hlawhtlami kut rum
lam a hruai hngai.