SAAM 7
Bonnak ca-ih Thlacam
Benjamin hrin Khush timi pa rum pehtlaitia in David ni Bawipa hemih a sakmi Hla
1 Maw Bawipa ka Pathian,
na hemah ka bu;
ka dung in a ma dawitule
an zate hemin ma rung,
cun ma rungsuak hram,
2 culocu kiosa mangin
a ma thlek bauh hngai thok;
rungtu ding ahuhman om loin
ama sualdawk ta hngai thok.
3 Maw Bawipa ka Pathian,
ka kut sungah thilhmaanlo
om in maw,
4 ka Žanpi cu Žhat lonak in
ka leisam maw,
iklole athu omloin
ka ral thil ka sut maw,
ahihi pakhatkhat
ka ti ahcun,
5 ral ni ma dawi sela
ma pon tia seh,
thikauin khur parah
ma teih tia uh seh,
cun vutning lakah
6 Maw Bawipa, na hehharin
hang tho la;
ka ralle ih thinsonak
ralsanin diing;
Žhangtia law, maw ka Pathian;
thulai rel hram.
7 Mipawl cu na velkimah
vong suak khat uh sela,
an cungla ih a saannak in
zon uk hngai.
8 Bawipa ni mipawl
thu a Žhen hngai;
Maw Bawipa,
ka dingfelnak leh ka sungih
tluanhmaannak mang hin
9 Mihrokhrawl ih Žhat lonak cu
deng tia seh law,
midingfel zong cu
saŽho law,
Maw a dingfelmi Pathian,
nang, ruahnak leh
thinlungpawl hniksaktu.
10 Pathian cu ka lum,
thinlung adingmi
rungtu a ii.
11 Pathian cu a dingfelmi
thuŽhentu,
cun nicangin thinkannak
a ngei ringring tu
12 Mi ni a sual a rim lo ahcun,
Pathian cu a reen a ta thok;
a lii zaalin a thal in a ngeu;
13 thihkhawhnak a siihaarpawl
a tuahtim hngai rom,
a cantiangpawl cu a alhkhomi
tung ah a vua hngai.
14 Mihrokhrawl ni cu
thilŽhalo an raai,
cun huatsuahnak an pai,
cun thulopawl an hrin zia hi
zoh hnik hman.
15 Khurawng an vua, an saai,
culeh an saihmi khurawng
sung ah an tla.
16 An huatsuahnak cu
anmah ih lu par leello ah
an kirŽhan,
an kuthlakraunak cu
an lu par leello ah
17 Bawipa cu a dingfelnak rum
hoihtia in a hemah
lungawithu ka sim thok,
cun Sang Tleng Bawipa min
lomnak hla ka sa thok.