SAAM 64
Huhsonnak Ngenih Thlacam
Hla Hruaitu hemah: David ih Hla
Maw Pathian, ka phunzainak
ka aw hi ma za hram;
phanawk ral hemin ka nunnak
kilhim hram.
Mihrokhrawl ih thuthup
phiarmipawl hemin,
thilŽhalotitule ih khuakhangmi
sungin ma thup hram.
An leipawl cu ralreen
mangin an taa;
an aansia cu thalpawl mangin
mi an ngeuhnak,
an mi bawhthupnak in
mawhngeilopawl an saai;
rinlopi leh Žihlote in an saai.
An khuakhangmi Žhalo ahcun
pakhat leh pakhat tha an piatia;
a thupih thang mi tun ding
an ron tia ih,
“Hu ni man hmu kho zat lei?
Kan sualnakpawl hu ni
hrawlsuak kho lei uh?
Depdengaiih thuphiar ding polŽha
kan ruatsuak rom,” tiah an ruat.
Icatile minung thinlung leh
ruahnak cu an thuk hrim.
 
Ihmansela Pathian ni a thal in
a saai hngai thok;
a voikhatah ma an pu thok.
An lei ni anmah siatsuah
hngai leh lei;
a hmu tu hmawhhmawh cu
lukipaw in an lu
an thinhnawh thok.
Cutikah micang ni an Žih thok;
Pathian ih phat sakmi thil
an simrel thok,
cun a thilti rommi cu
an ruatthuk thok.
10 Midingfel cu Bawipa ah
an lungawi in amah ah
bu uh seh.
Thinlung dinghmanmi an zate
an hmaihngal seh.