SAAM 62
Pathian ceu Rinsan ding Hla
Hla Hruaitu, Jeduthun hemah: David ih Hla
Ka nunkhua ni Pathian ceu
daite in a hngak;
ka runnak cu a hemin a pha.
Amah ceu hi ka lungpi leh
ka runnak, ka ruhkul a ii;
hnin ka i dah thok lo.
 
Nan zate in, mi pakhat cu
ihlet sawh a haaimi kham,
a nawndeidomi hruang parih
nan ti mangin
nan doin thah nan khai thok?
An khuakhang sun cu athupimi
mi pakhat zonŽhum ding hi a ii.
Hmaan lonak ahhin nuam an ti;
an kaa in cu an thluasuah,
an sungla zong cu mi an camkha.
 
Icatile ka nunkhua ni Pathian
ceu daite in a hngak,
icatile ka ruahsannak cu
amah hemin a ii.
Amah ceu hi ka lungpi leh
ka runnak, ka ruhkul a ii;
hnin ka i thok lo.
Runsuah ka iknak leh upat
ka iknak cu
Pathian parah a om;
ka dihnak lungpi leh ka himnak cu
Pathian ah a om.
 
Maw, mipawlhngai, caan
om hmawh ah
Pathian rinsan uh,
nan thinkannak amah sim uh.
 
Dinhmun niam ih om tule cu
thaw ceu an ii,
dinhmun sang ih om tule cu
deuhtiaknak an ii;
zazu ih thlai tikah cuai lung ni
a zo hngai lianglo,
an phun hnih in thaw vanin
an hawmsawn.
10 Thil misuh hi lunglum hlah,
mi rokhman hi
ruahsan tlawi hlah;
lennak an punzai tikah
na thinlung cu
an parah sia hlah.
 
11 Pathian ni voikhat a ang rom,
voi hnih ka za rom:
huham cu Pathian ih ta a ii,
12 cun ahmunmi dawtnak cu
na ta a ii, Maw Bawipa,
nang ni mi hmawhhmawh cu
an rianŽuan mangin
na rul hngai Žhan.