SAAM 49
Hla Hruaitu hemah: Korah Hrinsarle ih Hla
Lennak Rinsan cu Aatthu
1 Mi hmawhhmawh hngai,
hihi za hnik uh;
vuleipi ih a omtu zate,
2 upa leh nauta, milian leh farah,
hmunkhatin nan naa tun uh.
3 Ka kaa ni tinnak a ang thok;
ka thinlung ih
ruahcuahcomi cu tiahthiamnak
a i thok.
4 Aanroling laah ka naa
ka tun thokih,
tingtang tumthahih thucantiak
5-6 A mahremtule ih Žhat lonak,
an ngeihsiah a rinsan ih
an lennak liangluang ah a porhtia
tule ni ama ulkim hngai tikah
icaah hmen harsat caanpawl ah
ka phaan duh thok?
7 Thungaite in, mah nunnak
tlantiaknak caah
Pathian hemihpiak khawhmi
man ituhman a om lo.
8 Icatile nunnak tlanman cu
a khung tuk hringhran,
9 nung tlaitluanin thlaankhur
hmu dahlo dingah
a daih dah thok lo.
10 Miting kan zoh tikah an thi;
miaa leh mihmuk
an rawkral khatih an ngeihsiah
mipacepawl an roh ta.
11 An thlaanpawl cu kumkhua
an innpawl,
san hmawhhmawh ah an omnak
hmunpawl an ii,
anmah ih min in khurrampawl
an ngei ta dah nain.
12 Minungpawl cu an nomnak ah
an hmun kho lo;
a rawkralkhomi sumhnampawl
13 Miaapawl canvo, cotawk
lungkim tule ih
dengnak cu acumangcu a ii.
14 Tuu mangin Mithikhua caah
thiah an ii;
Thihnak cu anmah khaaltu
a i thok;
thlaan ah an Žum hruak thok,
an pianthlai cu
a ciamzan thok,
Mithikhua cu an inn a i thok.
15 Pathian ni ka nunkhua tu cu
Mithikhua ih huham
sungin ama tlang thok,
16 Mi hrekkhat milian an canih,
an innsang ih ngeihsiahpawl
an karh tikah na thinphang hlah.
17 Icatile an thih tikah ituhman
an kengta thok lo;
an ngeihsiah ni a von zul hngai
thok lo.
18 An nun lio ah mi nunnuam
ih an rel tiak hmanah—
an hluhsuah tiak tikah lom
an i kau—
19 khuatle a hmu Žhan ti lo
ding mi an pipule
hemah an tat ve kau thok.
20 Minungpawl cu an nomnak ah
an hmun kho lo;
a rawkralkhomi sumhnampawl
mang an i kau.