SAAM 48
Korah Hrinsarle ih Hla
Pathian ih Khualipi
Bawipa cu a pipa ih nasangai
thangŽhat awk a ii,
kan Pathian ih khualipi ahcun.
A tlang thianghlim,
Zion Tlang, sakla ne ih
ommi, a pipami
Siangpahrang ih khualipi,
a saang ih a mawimi cu
vulei cung zate ih
lungawinak a ii.
Khualipi ih ralbawhnak
donsang ahcun
Pathian ni amah cu himnak
a ik hrimhrim zia
a lansak rom.
 
Siangpahrangle an vontumtia,
khualipi cu
do dingin an pha khat.
An hmuh caangte an khuaruah
a har ngaite;
a lumlawi hngai, an zuangta;
acunangah a nawnawt hngai,
nausanpiak titiak
a tuarmi minu mang khi
titiak an tuar,
nisuahnakla huih ni Tarshish
lawngpawl dengih
a khuai hngai mangin.
Vanralkapbuur ih Bawipa
ih khualipi,
kan Pathian ih khualipi,
Pathian ni kumkhua
a sakŽhomi sungah hin
kan zak rom mangin
kan hmuh ngah vel.
 
Maw Pathian, na biakinn
sungah hin ahmunmi
na dawtnak hi kan ruatthuk.
10 Maw Pathian, na min ni,
vulei net tiang a ban,
an tan thangŽhatnak mangin.
Na vorhla kut cu
nehnak rum a khat.
11 Na thuŽhenpawl ruangah
Zion Tlang cu
ngetia seh,
Judah khuapipawl cu
lungawi uh seh.
12 Zion Tlang veelin, a velkim
vak uh la,
a ralvennak donhleisangpawl
siar uh,
13 an khuakul dawlpawl
minhlin uh la,
an ruhkulpawl cekfel uh,
hihnuk Žhangthar hemah,
14 hihi Pathian cu a ii,
kumkhua in
kumkhua kan Pathian cu.
Amah cu tlaitluan
a man hruaitu a i thok,
ti-in a sim taw cu.