SAAM 45
Hla Hruaitu hemah: Korah Hrinsarle ih Hla
Dawtnak Hla: Siangpahrang Nupit Hla
1 Ka thinlung cu a ruathaimi
thusirhsan in a luangliam;
siangpahrang hla ka zaih tikah
ka lei cu lainganthiam ih
laingannak laitung mang a ii.
2 Nang cu pamipawl lakah
a mawitleng na ii;
na hmurka a thlum-al;
curuangah Pathian ni kumkhua
thlua a tan suah.
3 Maw, adikcak mi, na ralreen
na kawng parah saam,
na sunparnak leh rumra rum.
4 Thutak thu caah leh adingmi
Žan dingah khin
rumra rum nehnak citia;
na vorhla kut ni
hrulŽha thiltipawl tan zirh seh.
5 Na thalpawl cu na ralle ih
thinhnakhar suntlang
khoin an par;
mipawl cu na tangah an ngal.
6 Maw Pathian, na toŽhiang cu
a kumkhua in
kumkhua a nguh.
Na siangpahrang teileng cu
ruangrannak teileng a ii;
7 dingfelnak na daw ih
hrokhrawlnak na hua.
Curuangah Pathian, na Pathian ni
na bangle hleihkauin
ngettiaknak thathau a tan
hnulh rom;
8 na angkitualpawl cu myrhh,
aloes leh kassia
rimhmui in an hmui;
vuiho in thommi siangpahrang
innpawl ah hribin
awnmawi tumthilpawl ni
na lung an awi sak.
9 A ruathaimi na numi le lakah
siangpahrang ih
tianupawl an tel.
Na vorhla san ahcun Ofir
timi hmun ih
sui Žhatleng rum thuamtia in
10 Maw tianu, ma ngai la,
ruatin na naa ma tun;
na mipawl leh na pa ih innsang
palhtia hngai,
11 culeh siangpahrang hi
na mawinak ni
a hiam aw taw.
Amah cu na bawipa a ik
ruangah upat lei ci;
12 Tai-ar rammipawl ni,
a liantleng mipawl ni,
an ngeihsiah phunphun rum
laksawng tan piain
na mithmaiŽha an hrawl thok.
13 Siangpahrang ih pit thokmi
siangpahrang tianu cu
a innkhaan sungah a om kau,
sui vo ih tahmi
partlai rum,
a mawi tuk hringhran;
14 a partlai mawi ngai rum
pianzia phunphun
ngeimiangkitualpawl rum
siangpahrang hemah
an tahpi;
a dungla in a duale,
leenghriimle ni an zul.
15 Lungawinak leh ngettiaknak
rum an tahpi ih,
siangpahrang ih inn sung ah
16 Na pupale airoltu ah tiapale
na ngei hngai thokih;
vulei zate uktule ah na cansak
hngai thok.
17 Na min hi san om hmawh ih
upat dingin ka vua thok;
curuangah mipawl ni kumkhua
in kumkhua
an tan thangŽhat thok.