SAAM 44
Hla Hruaitu hemah: Korah Hrinsarle ih Hla
Huhsonnak caah Thlacam
Maw Pathian, kan pipule ni
khuahlanpi, anmah
san lio ih na ti takmi thilpawl
aman sim hngai ih
kan naa rori in kan za rom:
miphunpawl cu na kut rori in
na Žhawl hngai,
kan pipule zong cu ram a zate
na pia hngai;
mipawl cu na intem sak hngai,
na mipawl zong cu
na luat sak hngai;
anmah ih ralreen rori in ram
an latngah a i lo,
anmah ih baantha rori ni khaw
nehnak a pia hngai a i lo,
na vorhla kut leh na baantha dik,
na ompinak tleu a i sawn,
icatile an parah na lung a hmui.
 
Nang cu ka Siangpahrang leh
ka Pathian na ii;
Jakob caah nehnak thu na pia.
Namah thawngin kan ralle
kan nam ngah;
namah thawngin ceu
kan doralle kan cilnaang kho.
Icatile ka lii cu ka rinsan lo,
ka ralreen ni khaw
ama rung kho lo.
Nang ni zong cu kan ralle
hemin aman rung,
cun aman hua tule cu buaiin
na vua hngai.
Pathian ahcun hlanghlanin
kan porhtia,
cun na min cu kumkhua in
kan thangŽhat thok.
 
Cuhmanah nang ni cu
aman hnong rom,
cun nau aman hmuhsak rom,
cun kan ralkapbuur
na tahpi hngai ti lo.
10 Ral sungin aman kirsak,
kan ralle ni
kan thilpawl aman sut.
11 Tuu mangin thah awkah
aman vua rom,
cun miphunpawl lakah
aman pharzak rom.
12 Na miphun cu man tlawmte
ah na zuar rom,
khung zok le au hngai hlah ci.
 
13 Kan innkiangle hawhawt awk,
kan velkim ih om tule
nihsanawk leh nihsairawn awkah
aman vua rom.
14 Miphunpawl lakih aanŽhim,
mipawl ih lusukhnawh
awkah aman vua rom.
15 Hawhawt tupawl leh
nautat tupawl ih
16 an aan zak ruang leh lehrultule
hmuh ruangah
sunnikahlawh in mualphonak cu
ka hmaka tlong ah a ii,
cun ningzahnak ni ka hmai
ama khum rom.
 
17 Keimi ni cu kan tan palhtia lo,
na thukam in khaw
kan pial lo,
ihmansela hihi kan parah
a tlung.
18 kan lung cu a kiir lo,
kan kekalpawl khaw
na lampi in an pial lo.
19 Ihmansela sahrangpawl ih
omnak ah aman thlekbauh,
cun thihnak khuamaw in
aman khum.
 
20 Kan Pathian min kan
palhtia rom,
iklole khuazing phunce hemah
baan pharin thla
kan cam ahcun,
21 Pathian ni acucu a hmu kau
thok lo hmen maw?
Icatile ani cu thinlung ih
thuthuppawl a tiah hngai.
22 Namah ruangah keimi cu
sunnikahlawh in
thah kan tuar,
thah thokmi tuu mangin
ruah kan ii.
 
23 Òhangtia tu, maw Bawipa,
icaah na me?
Òhangtia la, kumkhua cu
man hnong hram hlah!
24 Icaah na hmai cu na thup?
Icaah kan intemnak leh
namhen iknak cu na palhtia?
25 Vutning parah hlum
kan ii,
kan ruangpunpawl cu
khur parah an bek.
26 Hang tho, man bawn dingah
pha hram.
Ahmunmi na dawtnak ruangah
man tlang hram.