SAAM 40
Runsuah Lungawithusim, Bon ngen
David ih Hla
Bawipa cu thinsauin
ka hngak;
a naa ama tunih
ka aunak a za.
Ramtakmi khur sungin,
nawnthlawk cirh sungin
ama dawksuak,
cun ka ke cu lungpi parah
a din sak,
ka kekalpawl a him sak.
Ka kaa sung ah hla thar
tiing khat,
kan Pathian thangŽhatnak
hla ama san.
Mi tlungpi ni an hmu,
an Žih thok,
culeh Bawipa an rinsan thok.
 
Bawipa a rinsan tupawl,
mizumtia hemah,
ahman lomi khuazingpawl
dungin a pial tule hemah
a mertia lo tupawl cu
mithluasuak an ii.
Maw Bawipa, ka Pathian,
kanmah hem laah hin
khuaruahhar na thiltipawl leh
na ruahnakpawl na karhsak;
Nang rum Žhim khawh ding
ahuhman an om lo.
Simthan in ang hngai thok
ii ningla,
siarhangloin an tam.
 
Raihrik leh ahlu ni
atan hiam lo,
na thusim ngaih dawtnak
naa zong ama pia;
meitih raihrik leh sualthlah
raihrik cu na ngeen lo.
Cutikah kei ni,
“Hinangah ka om;
laibu zawl sungah ka thu
nganin a om.
Na dawtzawng ti cu
ka lung a hmui,
Maw ka Pathian,
na Daan cu ka thinlung
sungah a om,”
tiah ka ti.
 
Zapibuur hnempi lakah
lungawiŽha runsuahnak
thuthang cu ka sim rom;
zohhman! Maw Bawipa,
na tiah mangin ka hmur
ka ciip lo hi.
10 Na bonnak mirungkho hi
ka thinlung sungah
ka thup lo,
Na rinsantlaknak leh
na runnak cu ka simrel rom;
ahmunmi na dawtnak leh
na rinsantlaknak cu
zapibuur hnempi hemin
ka tleem lo.
 
11 Maw Bawipa, na veel hi
ka hemin sup hram hlah;
ahmunmi na dawtnak leh
na rinsantlaknak ni
him in ma om sak tlaitluan
hram seh.
12 Icatile thilŽhalopawl ni
siarhanglo in
ama ulkimtia hngai;
ka Žhat lonakpawl ni
khua hmu kholo tiangin
ama pontia hngai,
ka lu parih sampawl vanin
an tamsawn,
cun ka thinlung
ama dengta.
13 Ma runsuah daw hram,
Maw Bawipa;
ma bon ding caaltia hram,
maw Bawipa.
14 Ka nunnak thur mianmi
a khaitia tu an zate
ningzah huahsak leh hnokin
om sak i hram uh seh;
a tiak ka tuar hiar tule zate
sung ih kirsak leh
at lonak hlawh sak
ii uh seh.
15 “Rem se law, Rem se law!”
a ma ti tupawl cu
an ningzahnak ruangah
Žihphang in om uh seh.
 
16 Namah a tn hrawl tule
zate zong cu namah ah
lungawi leh ngeitia in
om uh seh;
na runnak a daw tule ni,
Bawipa cu Pipa ee!”
tiah ti pehzulh uh seh.
17 Kei lemang cu mifarah leh
mi sambau ka ii,
ihmansela Bawipa ni
ama don.
Nang cu ama bawntu leh
ama rungsuaktu na ii;
raau sawh hlah,
maw ka Pathian.