SAAM 39
Tinnak le Ngaidamnak Ngen
David ih Hla
“Ka omdanpawl ka ralring thok,
ka lei in a sual hlah taw ing;
mihrokhawl ka hramih
an om sung poh cu
ka hmur ka Žawn thok,”
tiah ka ti.
Ang lo leh thawthaang
loin ka om;
iŽhahnem silo ah daikau
ka om;
ka thinharnak cu
a rauh hlehhlo,
ka thin cu ka sungah a sa.
Khua ka ruah lio ah,
mei a alh;
cutikah ka lei ni
a ang:
 
Bawipa, ka netnak leh
ka nun caan tahnak
itu a ik tiah lang;
ka nunnak a liam bai zia
tiah lang,” tiah ka ti.
Ka nun caan cu zabok
cen ah na vua rom,
cun ka nunsung cu nangih
hmuh ah ikhaw a i lo.
Micang hi voi khat thawthawt
mang men an i taktak.
Pheenthlam mangin micang
an vak taktak.
Ikongkalo caah an hnokbuai;
ngeihsiah an khawl ih
ahu ni a congah thok ti cu
an tiah lo.
 
“Atu hi maw Bawipa,
itu a ii ka hngah?
Nang ka tan ruahsan.
Ka daanbuarnak zate hin
ma rungsuak hram.
Miaale ih nihsairawn awkah
ma cansak hram hlah.
Daite in ka om; ka kaa
ka ang lo,
icatile hitiih a vua tu cu
namah na ii.
10 Ama thawinak hi ka hemin
la vel;
na kut ih ma thawng ruangah
ka tha a deng vel.
 
11 Sualnak ca-ih dantat
nakin minungpawl cu
na simhring hngai,
an sunsakmi thil cu
riarulnu ihawk mangin
a aw hngai remro;
micang hi thaw menmen
an i kau.”
 
12 “Ka thlacam ma za la,
maw Bawipa, ka aunak hi
na naa ma tun hram;
ka mitthli hi daite in
ma om san hram hlah.
Icatile keicu ka pipule
zate mangin alaangte
na khualpa,
khuatluangmi ka ii.
13 Ka pawhsuah ih ka om ti lo
hlanah hin ka mithmai
a pan Žhan kho nak dingah
mithmaisia in
ma zoh ti hram hlah.”