SAAM 31
Huhsonnak ngen, ThangŽhatnak
David ih Hla
Maw Bawipa, namah ah
buknak ka hrawl;
khawcanghman ningzah
ma huahsak hlah law,
na dingfelnak in
ma rungsuak hram.
Na naa ma tun la;
ma rungsuak vakvak.
Ka caah buknak lungpi,
ma rung dingah aŽhomi
ruhkul i hram.
 
Nang cu ka lungpi leh
ka ruhkul na ii;
na min sunlawi nak dingah
ma hruai la ma pita,
ama tun thup hngaimi sur
sungin ma suah hram,
icatile ka buknak na ii.
Na kut sung ah
ka thlarau ka ap;
Maw Bawipa, rinsantlak
Pathian, nang ni
ma rungsuak hram.
 
Santlai lomi mepapawl
a upat tule ka hua hngai,
Bawipa zong ka rinsan.
ahmunmi na dawtnak sungah
ka tha nuamngaite in
ka lung a awi thok,
icatile ka intemnak
na hmu rom;
ka harsatnakpawl
na tiah rom,
cun ka ralle ih kut ah
ama ap ta lo;
ka ke cu hmun kaupi ah
na sia rom.
 
Ka parah velngei hram,
maw Bawipa, icatile
ka van a sang;
ngaihsiat ruangah
ka mit an vuaiseen,
ka nunkhua leh
ka ruangpun khaw.
10 Icatile ka nunnak cu
ngaihsiatnak in,
culeh ka kumcaanpawl cu
thawpisuahnak in
hman an ii;
ka zanzaih ruangah
ka thazaang an deng,
cun ka ruhpawl
an rop.
 
11 Ka ralle zate nihsanawk,
ka innkiangle nautatawk,
ka mitiahle ih ŽihŽha ka ii;
lampika ih a ma hmu
tule ni a ma leeuta hngai.
12 Ruah ti lo mi mithi mang
palhtiak ka ii.
Akuaimi khukeeu mang
ka cang rom.
13 Icatile mi tlungpi ih hiohio
ka za – ka velkim cu
Žih-awk tlongte an ii!–
Ma ralsanin khua
an khang, ma that dingah
thu an phiar thup.
 
14 Ihmansela, maw Bawipa,
Nang ka tan rinsan;
“Ka Pathian na ii,”
tiah ka ti.
15 Ka caanpawl na kut ah
an om;
ka ralpawl leh ama hrem
tupawl ih kut sungin
ma rungsuak hram!
16 Na mithmai cu
na tungsau parah
tlaan sak hram la;
ahmunmi na dawtnak
sungah ma rung hram.
17 Ningzah ma huahsak hlah,
maw Bawipa,
Icatile nang ka tan ko.
Mihrokhrawl cu ningzah
huahsak i kau uh seh;
Mithikhua ah aanawk
tiahloin tat uh seh.
18 Zumtiaknak leh naunehnak
rum, midingfel ralsanin
sopawngaiih ang tu hmurka
thulopuahrau cu
phih ii uh seh.
 
19 A tan Žihzah tule ca-ih
na khawl piak hngaimi,
cun namah ah a bu tule ca-ih
na Žuan piak hngai mi
na Žhatnak hi micang ih
hmuhngan ah
ahleihluan zia cu!
20 Na ompinak thlahnep ah,
minung ih thuphiarnak
lakin na thup hngai;
thu-alrau lei ngei tule
hemin, na buuk sungah
himin na omnak hngai.
 
21 Bawipa cu thangŽhat ii seh,
icatile dohkul tuarmi
khuapi mang kul ka ik tikah
ahmunmia dawtnak cu
donharŽhangai in ka hemah
a lansak.
22 “Na hmuhngan in hlapi ah
dawi ka ii,” tiah
ka thlakawkin ka ti.
Ihmansela na hemah
bonnak ngeenih ka au tikah
ka ngennakpawl na za.
 
23 Bawipa cu daw uh,
a mithiangle nan zate,
Bawipa ni rinsantlak cu
a kilhim hngai,
zumtiangai ih tekcak tu
zong cu hleihluanin
phulei a sam hngai.
24 Bawipa a hngak tu nan zate,
dikcak uh,
culeh nan thinlung
tha la seh.