SAAM 26
Thulairelnak leh Dingfelhnak
David ih Hla
Maw Bawipa, mawhnak
ka ngeih lo hi lansak hram,
icatile tluanghmaanin
ka nungcang rom,
cun sawndualdo loin
Bawipa ka rinsan.
Ma cek la ma zohliah hram,
maw Bawipa;
ka thinlung leh ka ruahnak
ma hniksak hram.
Icatile ahmunmi na dawtnak
ka tiah ringring,
cun na rinsantlaknak ringin
ka nungcang.
 
Ivongvalo tupawl cu
ka kom hngai lo ih,
mitisaktiale khaw
ka rualcom hngai lo.
ThilŽhalo-titule kom hngai
ka hua,
culeh mihrokhrawl hemah
ka to lei lo.
 
Ka suallo ti-in
ka kut ka Žawl hngai,
culeh namah bia dingah
na pakawh ah
velkim ka vak,
maw Bawipa;
lungawinak hla
tiakpi in ka sa,
culeh donharŽhami
na thiltipawl an zate
ka sim hngai.
 
Maw Bawipa,
na omnak inn leh
na sunparnak a leennak
hmun ka tlaihsan.
Misualle rum hmunkhat ah
ma phiahcih hlah;
cun thisan suahdawle rum
hmunkhatah ka nunnak
siatsuah cih hlah,
10 thahtlak sualnak vuak
a mantia tupawl an ii,
cun an vorh la kut cu
nawhthuh in a khat.
 
11 Kei zong cu tluanghmaanin
ka nungcang;
ma tlang la, cun ka parah
veel ngei hram.
12 Ka ke cu hmun rualrawn ah
a diing;
khawmtiaknak pi ah Bawipa
ka thang Žhat thok.