SAAM 21
Neh ih Lungawithusim
David ih Hla
1 Maw Bawipa, na thazaang ah
siangpahrang a lung a awi;
cun na bonnak ah
a tha a nuam zia cu!
2 A lungduh na pia rom,
a hmurka ih ngenmi cu
na sup lo.
3 Icatile ahleicemi
thluasuahpawl rum
na dola ih;
sui Žha ih vuakmi
siangpahrang lukhum
a lu ah na khum.
4 Nunnak a tan ngen;
nang ni a hemah na pia–
kumkhua in nun sau
tlaitluannak cu.
5 Na bonnak thawngin
a sunlawinak cu a nasa;
upatnak leh minthannak
a parah na pia.
6 A parah thluasuahpawl
na pia ringring;
na ompinak ih lungawinak
rum ngetia in na vua.
7 Icatile siangpahrang ni
Bawipa a rinsan,
Cungnung Tleng ih ahmunmi
dawtnak thawngin
ani cu hnial a i thok lo.
8 Na kut in na ralle an zate
a tlaihngah hngai thok;
na vorh la kut ni
a tan hua tupawl
a pon ngah hngai thok.
9 Na lan tikah anmah cu
somei alhmi mangin
na vua hngai thok.
Bawipa ni anmahpawl
a thinsiatnak in
dolh hngai leh lei,
cun mei ni kaangciam
hngai leh lei.
10 An citlaang vulei par hin,
cun an tianaupawl cu
minungpawl lakin
na siatsuah hngai thok.
11 Namah ralsan in thilŽhalo
khua an khang ahcun
siatnak an pol ahcun,
an hluhsuah thok lo,
12 Icatile na thalpawl in
an hmai na ngeuh hngai
an hmuh tikah,
mertia leh zuangin
13 Maw Bawipa, na thazaang ah
hlirsanin om kau!
Na huham cu hla ah sa in
kan tan thangŽhat thok.