SAAM 20
Nehnak ca-ih Thlacam
David ih Hla
Harsat nikhua ah Bawipa ni
tan sawn hram seh!
Jakob Pathian ih min ni
tan hupsong hram seh!
Hmun thiang in bonnak
tan thlak se la,
cun Zion in dohkamnak
tan pia hram seh!
Na thilhlu zate in
cingkeng hngai se la,
na meitih raihrikpawl ah
a lunghmui hngai seh!
 
Na thinlung ih hiarmi
tan pia hram se la,
na khuakhangpawl
kimsak hngai hram seh!
Na nehnak ruangah
kan kui thok,
culeh kan Pathian min in
kan muleek cu saang ah
kan hlir thok.
Bawipa ni na ngen mipawl
an zate tan pia hram seh!
 
Atu cu Bawipa ni
a thathauhnulhmi
bawn lei khawh;
a vancung thianghlim khin
a vorhla kut ih a nasami
nehnakpawl rum
a let thok ti ka tiah.
Mi hrekkhat cu
an saileengpawl in,
cun mi hrekkhat cu
an saituumpawl in
an porhtiaknak,
kan porhtiaknak zong cu
Bawipa kan Pathian ih
min ah a ii.
Anmimi cu tuasiin
an oktia thokih;
keimi zong cu thoin
kan diing Žho thok.
 
Siangpahrang hemah
nehnak pia hram,
maw Bawipa;
kan thawh tikah
man let hram.