SAAM 18
Nehnak Lungawithusim
David ih Hla note Saul kut in a runsuah tikih a sakmi Hla
1 Maw Bawipa, ka thazaang,
ka tan daw.
2 Bawipa cu ka lungpi, ka ruhkul
culeh ama rungsuaktu,
ka Pathian, ka buknak
ka lungpi, ka lum,
culeh ka runnak kii,
ka himnak hmun a ii.
3 ThangŽhat a tlakmi
Bawipa cu ka ko,
curuangah ka ralle hemin
4 Thihnak hrihrualpawl ni
ama ngerh hngai;
siatsuahnak tihrualpawl ni
ama tlaknon hngai.
5 Mithikhua hrihrualpawl ni
ama awk hngai;
thihnak thangpawl ni
6 Ka thinhar tikah Bawipa ka ko;
Bonnak caah ka Pathian
hemah ka au.
A biakinn in ka aw a za,
cun a hemih ka aunak
7 Cutikah vulei cu
a hawrtia ih a thlurtia;
Pathian a thinsiat ruangah,
tlangpawl ih an hrambin
nak khaw a dok-aw hngai,
cun an hlingtia.
8 A hnaar-awng in
meikhu an kai,
A kaa in mikaangkho
meihlio leh meiril Žuang
an va alh ziakzo.
9 Vanpawl a kursak hngai,
cun a zong Žum;
khuamaw sahpi cu
a ke tangah a om.
10 Cherub a citia ih a soi;
huih ih thlapawl parin,
rangngai in a pha.
11 Khuamaw cu a velkim
kultiaknak ah,
ti ih khat meici nak sahpi
a ihkhun cung puanzar ah
a vua.
12 A hmaika ih tleunak cun
rialtapawl leh a Žuangmi
meirilpawl ni a meici
sahpi cu an zon pah.
13 Bawipa khaw vancung in
khua a ri ve,
culeh Cungnung Tleng ni
a aw a hei suah.note 18:13 2 Sam 22:14 ah Hebru in rialtapawl leh aŽuangmi meirilpawl ti beeng a ii.
14 A thalpawl saai hngai,
cun a parcak sak hngai;
nimtlapawl a kau sak hngai,
cun a rawt hngai
15 Cutikah maw Bawipa,
na thupiak ah,
na hnaar-awngpawl in
thaw na heisuah tikah,
rili tawne ih tilampawl
hmuh an ii ih, vuleipi ih
hrambinnakpawl
16 Amah ni cung saang in
a ma zon dawh ih ama la;
ti thukpi sungin
ama dawksuak.
17 Adikcakmi ka ral hemin
ama rungsuak, cun
ama hua tupawl hemin;
icatile an dikcak tuk,
ka caah cun.
18 Ka bongsiat lio ah
ama hmaiton hngai,
Bawipa zong cu
a ma dokamtu a ii.
19 Himnak hmun kaupi ah
ama hei suahpi;
ka parih a lunghmui ruangah
20 Bawipa ni
ka dingfelnak mangin
ka cohnga ama pia;
ka kut an thianhlim mangin
ama kuan.
21 Icatile Bawipa ih lampawl
ka zul hngai rom,
ka Pathian hemin hrokhrawl-
ngai in cu ka poksuak lo.
22 A daanpawl cu
ka zul hngai remro;
cun a thupiakpawl cu
ka zamta hngai dahlo.
23 A hmaika ahkhin
mawhthlukawk omlo ka ita;
cun mawhphur lo dingin
ka kilkhawi tia.
24 Curuangah Bawipa ni
ka dingfelnak mangin,
ka kut an thianhlim mangin
25 Mifel hemah nang cu
mifel in;
mawhngeilo hemah cun
mawhngeilo in na lang.
26 Athiang mi hemah cun
athiang mi in,
akawinget mi hemah cun
arawkcat mi mangin na lang.
27 Icatile a tangdor mipawl
na rungsuak hngai ih,
mizumtia zong cu
na namthla hngai.
28 Ka meiinn tle tu cu
nang na ii;
Bawipa, ka Pathian ni
ka khuamaw cu a tleu sak.
29 Namah thawngin
ralkapbuur ka rawt kho,
ka Pathian thawngin
hruangdawl cung in
ka peet kho.
30 Hi Pathian ih lam cu
a tlamtling;
Bawipa ih thutiam cu
ahman ti a langfiang;
Amah cu a hemih himnak
a la tu an zate caah
31 Icatile Bawipa simlo
ahu a ii Pathian?
Cun kan Pathian hleiah
ahu a ii lungpi?
32 Pathian cu thazaang rum
ka tai ma Žawn tupawl leh
ka lampi himsak tu a ii.
33 Ka ke cu neng ke
mangin a vua,
culeh a saannak ah
himin ama sia.
34 Ka kutpawl raldohnak
caah a zirh hngai,
curuangah ka baanpawl ni
daar in vuakmi lii hman
kuul kau an zaal kho.
35 Na runnak lum ama pia rom;
na vorhla kut ni a ma dokam;
na bonnak ni mi nasa
ama cansak rom.
36 Ka kekal caah a kaumi
lampi ama vuak piak,
culeh ka ke cu
an tolhtia lo.
37 Ka ralle ka dawi hngai ih
ka ponngah hngai;
ka rawtngah hngai hlan cu
ka kirŽhan lo.
38 Ka set hngai, curuangah
an tho zo ti lo;
ka ke tangah an virtia kau.
39 Icatile raldohnak ca-ih
thazaang rum a ma Žawn;
ama do tule cu ka tang ah
na pilsak hngai.
40 Ka ralle an zaang
ma tunin na vua hngai,
cun ama hua tupawl cu
ka siatsuah hngai.
41 Bonnak dilin an au,
a inain a rung hngai tu ding
ahuhman an om lo,
Bawipa hemah an au,
a inain a let hngai lo.
42 Huihhmuh awk vutning mang
mangin ka rial hngai;
lamlai ih cirh-nawn mang
43 Dodalhmang mipawl hemin
nang ni ama rungsuak;
miphunpawl ih lu ah
ama vua;
ka tiah lo mipawl ni
ama rian hngai.
44 Ka thuhla an zak caang in
ka thu an cangngai;
ramcemipawl kumkehkoin
ama pha hngai.
45 An thin a deng,
an ralhruangpawl sungin
46 Bawipa a nung! Ka lungpi cu
thluasuak seh;
cun ama rungtu Pathian cu
hlirsan i kau seh,
47 phuleisamnak ma pia tu leh
mipawl ka tangla ih
a sia tu Pathian;
48 ka ralle hemin
ama rungsuak tu cu.
Angaingai ahcun nang ni
ka doralle cung ah
ama hlirsang;
kutthlakrau hemin
49 Ahi caah hin maw Bawipa,
miphunpawl lakah
ka tan thangŽhat thok,
cun na min thangŽhatnak
ka sa thok.
50 Anasami nehnakpawl cu
A siangpahrang a pia;
cun ahmunmi dawtnak cu
thathau a hnulhmi hemah,
David leh a hrinsarle hemah
a lansak ringring.