SAAM 144
Runsuahnak leh Himnak ca-ih Thlacam
David ih Hla
1 Ka lungpi Bawipa, cu thagŽhat
i kau seh,
ka kutpawl raldohnak ding,
ka kutzungpawl ralthiamnak
a zirh hngai tu a ii.
2 Ka lungpi leh ka ruhkul,
ka ralhruang leh
ama rungsuaktu,
ka ral buknak, ka lum,
miphunpawl ka ketang ih
a sia hngai tu a ii.
3 Maw Bawipa, minungle cu
itu an ii ih thupi ah
na ruah hngai duh?
A thikhomi le cu itu an ii ih
na don hngai duh?
4 Anmimi cu thaw mang an ii;
an nicaanpawl cu aliamtiami
5 Maw Bawipa, na vanpawl
kumsak hngai la zongŽum hram;
tlangpawl cu tham hngai, cuticun
meikhu a suak taw uh.
6 Nimtla sual sak la na ralle
parcak sak hngai;
na thalpawl cu saai hngai la
anmahpawl cu rawt hngai.
7 Cungla cun na baan zon thlam,
ti thuk sungin ma dawk la
ma suah sak hram,
8 thu khaamtia nahmanih an kaa
thulopuahin a ang tu,
ramdangmipawl ih kut in
9 Maw Pathian, hla thar ka tan
sak thok;
hri pahra-ngeimi tingtang
ka tan tum thok,
10 siangpahrangle nehnak pia tu,
a tungsau David
rungsuaktu cu.
11 Naktiahngeilo ka ralle ih ralreen
hemin ma rungsuak la,
thukhaamtia nahmanih an kaa
thulopuahin a ang tu,
ramdangmipawl ih kut in
12 Kan tiapale cu an nawh lio ah
aŽhangmi kungpawl mang,
kan tianule cu siangpahrang inn
ca-ih tanmi inn kil
Žhuampawl mang i hram uh seh.
13 Kan cawsiarpawl cu caw
phun kim in khat uh sela;
kan tuupawl cu kan lo sungah
a thawng, thawngsawm in
pungzai uh sela,
14 kan cawpe run khaw a suan
tlungpi ngei hram uh seh.
Kan khuakuldawl bauhtu ralle
om hlah uh seh,
salcan khaw om hlah seh,
kan lampawl ah thinhar ih
aannak khaw om hlah seh.
15 Acumang thluasuahpawl ni
a tlaak hngaimi minungle cu
milungawi, an ii;
An Pathian ah Bawipa a i mi
miphun cu milungawi an ii.