SAAM 139
Luattak-khawh lomi Pathian
Hlahruaitu Caah: David ih Hla
Maw Bawipa, nang ni ama cekhlai
dikdik romih
ama tiahngah rikrik rom.
Khawcangih ka to leh
khawcangih ka diin na tiah;
ka ruahnakpawl lamhlapi in
na ngenŽhen thiam.
Ka vahnak leh ka zaunak
na cekhlai hngai ih,
ka thiltimi zate na tiah hngai.
Kaa khat hman ka aan hlanah
maw Bawipa, na tiah rikrik.
Nang ni ka dung leh ka hma in
ama kul ih,
na kut ka parah na suang.
Acumang thutiahnak zetzo cu
ka caah donharŽha a i tuk;
a saan tuk ah ka baan kho lo.
 
Na hmaika in khawnangah
hilei ka tah khawh?
Iklole na hemin khawnangah
hilei ka leeu khawh?
Van ah hang kai ningla tile,
acunangah na om;
Mithikhua ah me ningla tile
acunangah na om.
Thla ngeiin nisuahnak la ah
soi in, rili ramripawl
a hlatnak tleng ah omhmun
khuar ningla tile
10 acunangah hman na kut ni
ama hruai lei ih,
na vorhla kut ni ama tlai thok.
11 “Khuamaw ni ama khum
ngaingai thok hi,
cun ka velkim ih khuatle khaw
zan a cang hi,” ka ti tikah,
12 khuamaw hman na caah cun
a maw lo, zan cu sun tluk a tle,
icatile na hemah cun khuamaw cu
khuatle tluk a ii.
 
13 Icatile ka sungla tiksaŽhenpawl
a zing tu cu nang na ii;
ka nu ih sul sungah khin nang ni
hmunkhatah ama binsawr.
14 ŽihŽhangai leh donharŽhangaiih
vuak ka ik ruangah
ka tan thangŽhat.
Na vuakmipawl donharŽha an ii;
acucu Žhate in ka tiah.
15 Athup ih vuak ka ik lio,
ka nu sul sung khuamaw lakah
cokhnok-ngai in seemsakmi
ka ruangzing cu na hem in
thuh a i lo.
16 Ka ruangrai pianthlailomlo cu
na hmu cia rom.
Kamah ca-ih vuakmi nicaanpawl
pakhat hman an om rih hlanah
na laibu sungah ngan an ita.
17 Maw Pathian, na ruahnakpawl
ka caah an rih zia cu!
An zate kom ih kauh zia cu!
18 Siar hngai ka khaitia ih siatnel
vanin an tam sawn;
An zate siar hngai thok ningla,
namah hlet nun ka Žul thok.
 
19 Maw Pathian, mi hrokhrawlle
that hngai la cu maw,
cun thisan haaltupawl - ka hemin
zuang tia uh sela maw!
20 na thu hrokhrawl-ngaiih
ang tupawl,
cun Žhat lonak caah tan ralsanin
a hlirsang tia tupawl cu.
21 Maw Bawipa, a tan hua tule cu
ka hua hngai a i lo maw?
Cun tan ralsanih a thotule cu
ka ningtirh hngai a i lo maw?
22 Anmah cu ka hua hngai pun;
ka ralle ah ka rel hngai.
23 Maw Pathian, ma cekhlai la
ka thinlung hi tiah hram;
ma hniksak la ka ruahnakpawl
tiah hngai hram.
24 Ka sungah hin hrokhrawl
thiltidan a om maw ti zohfel,
culeh kumkhua lam ah cun
ma hruai hram.