SAAM 138
Lungawithusim leh ThangŽhatnak
David ih Hla
1 Maw Bawipa, ka thinlung zate in
lungawithu ka tan sim;
khuazingpawl hmaika ah namah
thangŽhatnak hla ka sa;
2 Ahmunmi na dawtnak leh
na rinsantlaknak ruangah
na biakinn thiang sanla ah bokin
na min parah lungawi
thu ka sim;
icatile na min leh na thu cu
izongza cungah na hlirsang.
3 Ka tan kawh nikhua ah ama let,
ka nunkhua thazang na pia
4 Maw Bawipa, vulei cung ih
siangpahrang an zate ni
an tan thangŽhat thok,
icatile na hmurka ih
na simmi thupawl an za rom.
5 Bawipa ih thiltidanpawl
hla in an sa thok,
icatile Bawipa ih sunparnak cu
anasami a ii.
6 Icatile Bawipa cu a saang nain
minauta ih
Žulpoinak a tiahpiak hngai,
mizumtia zong cu
lamhlapi khin a tiahthiam.
7 Harsatnak lakah bualleeng
hman ning la,
ka ralle ih hehharnak lakin
nang ni ama kilhim;
na baan na thlamih na vorhla
kut ni ama rungsuak.
8 Bawipa ni ka ca-ih a tumtahmi
a kimsak thok;
Maw Bawipa, a hmunmi
na dawtnak cu
kumkhua a nguh.
Na kut ih rianŽuanmi hi
mata hngai hram hlah.