SAAM 129
Israel ih Ralle Sung dingih Thlacam
Kainak Hla
1 “Ka tepan lio in ama do
hngai bil,”
- Israelmi ni –
2 “Ka tepan lio in ama do
hngai bil;
acuhmanah a ma hre hngai
cuang lo.
3 Lethuantule ni le an thuanmi
thlurpawl mangin
ka zaang parah saupipi in
ama rai hngai,” tiah ti uh seh.
4 Bawipa cu a dingfel;
mihrokhrawlle ih hripawl cu
a sat hngai rom.
5 Zion a hua tu an zate
ningzah huat hram uh sela
sungin mertia hram uh seh.
6 Inn luangkhum parih
takung, a Žhan hlan ih
a vuaitiami,
7 ta riptule ni zakokhat
an rih ngah lomi,
a thlang in Žawnih phurh khop
a i lomi mang ii uh seh.
8 A lonpah tupawl ni,
“Bawipa ih thluasuah cu
na parah om kau seh!
Bawipa ih min in
thlua kan tan suah,”
tiah an ti lomi ii uh seh.